Алёшина Пелагея Владимировна

Википедиясто материал - аорев содамкундосто
Перейти к навигации Перейти к поиску
Алёшина Пелагея Владимировна
Портрет
чачома чись ожоковонь 10 чи 1950(1950-10-10) (69 иеть)
Важодема ёрокчизе валморозей

Алёшина Пелагея Владимировна (лиялем: Полина Алёшина[1])— мокшонь валморозей, сёрмадей. Россиянь сёрмадеень кужос совиця. Мордовиянь заслуженной валморозей[2].

Эрямо пингезэ[витнемс-петнемс | витнемс-петнемс лисьмапрянзо]

Чачсь 1950-це иень ожоковонь 10-це чистэ Мордовия Республикань Ковылкина буень Ежовка велесэ. Средней школань прядомадо мейле тонавтнесь Н.П. Огарёв лемсэ эрзянь-мокшонь госуниверситетсэ. Ней важоди Ковылкина ошонь 15-це номер профтехучилищасо.

Сёрмадомо ушодсь школасо тонавтнемстэ. Васень стихотворениянзо алтынзе аванстэнь, оянзо туртов, васень вечкемантень. Шкинемань кинть лангс жо кеместэ чалгась ютазь пингень кавксоньгеменце иетнестэ, зярдо произведениянзо кармасть печатавомо «Мокшень правда» газетасо, «Якстерь тяштеня», «Мокша» журналтнэсэ. Теде башка Алёшина Полинань стихотворениянзо печатавсть Ижевскойсэ, Чебоксарсо,Сыктывкарсо лисиця журналтнэсэ. Сон – мокшонь кельсэ стихотворениянь зярыя пусмонь автор. Сынь лиссть Эрзянь-мокшонь книгань издательствасо. Рузонь кельс ютавтозь стихотворениянзо печатазельть «В саду моих мечтаний» вейсэнь пусмосонть.

Шкинемазо[витнемс-петнемс | витнемс-петнемс лисьмапрянзо]

Алёшина Полинань шкинемазо умок вечкевсь мокшонь ловныцятненень. «Иля юта вакскам» стихотворениянь васенце книгазо лиссь 1996-це иестэ Эрзянь-мокшонь книгань издательствасо. 2004-це иестэ ловныцятненень пачкодсь «Ёвтака, варма…» стихотворениянь омбоце книгазо. 2009-це иестэ лиссь «Казнеде аватненень цецят» стихотворениянь колмоце пусмозо. Сынь теизьгак поэтессанть содавиксэкс аволь ансяк минек республикасо, васоло сонзэ томбалеяк. Ламо стихотворениянзо ютавтозь рузонь, эстононь, финнэнь, эрзянь, лия кельс.

Алёшина Полинань поэзиязо неявиксстэ явови лия поэтэнсетнень эйстэ. Сон маштозь невти аванть потмоёжонзо. А ютни пертьпельксэнь мазычинть вакска. Седеезэ пек сэреди тиринь келенть кис. Виевстэ важоди культуранть седе тов ванстоманзо-сюпалгавтоманзо коряс. Неть эрявикс тематненень алтазь ламо произведениянзо.

Алёшина Полинань стихотворениянзо мазыйть, оймевть. Авторось машты токамо ловныцятнень седеест, кармавты лиякс варштамо эрямонть, эсь тевтнень лангс.

Мокшонь содавикс поэтессась сеедьстэ вастневи ловныцянзо марто. Эсензэ видькстамонзо коряс, неть вастовоматне кастыть ойме виензэ, сёрмадомань мелензэ. А стяко, марят, сон панжи ловныцятненень потмоёжонзо. Эряви улемс малавиксэкс поэзиянь вечкицятненень.

Алёшина Полинань произведениянзо а кадныть мельтеме ловныцятнень. А стяко стихотворениянзо ютавтовить лия кельс, лиснить эрьва кодамо альманахсо, журналсо, вейсэнь пусмосо. Сонзэ произведениятнесэ ламо лирика, философия.

Поэзиянь жанрадонть башка, сон важоди прозасояк, публицистикасояк. Ламо ютавты лия кельстэ. Сонзэ стихотворениянзо лангс сёрмадозь аволь аламо морот, конатнень морыть Мордовия Республикань содавикс артисстнэ.

Алёшина Полина 2001-це иестэ саезь Россиянь писателень союзонь член. 2010-це иестэ тензэ максозь «Мордовия Республикань» заслуженной поэт покш лемесь. «Тят ёта вакскан» («Не обойди меня». Саранск, 1996), «Азка, варма» («Скажи-ка, ветер». Саранск, 2004). Соавтор многих сборников стихов, в том числе «Кельгомань морот» («Песни о любви». Саранск, 1993), «Ниле ават - ниле морот («Четыре женщины -четыре песни». Таллин, 1998)

Литературась[витнемс-петнемс | витнемс-петнемс лисьмапрянзо]

  • Алешина, П.В. Азка, варма. (Скажи-ка, ветер.). Стихотворения / П.В. Алешина. Саранск: Мордов. кн. изд-во, 2004. -154с.
  • «Чилисема», 2019, №3, С.18.


Лисьмапрят[витнемс-петнемс лисьмапрянзо]

  1. Библиотека Мордовской литературы. Алешина Полина Владимировна (руз.)
  2. МБООУ «Мамолаевская средняя общеобразовательная школа»//Встреча с поэтессой Полиной Алёшиной (руз.)