Алатырев, Василий Иванович

Википедиясто материал - аорев содамкундосто
Перейти к навигации Перейти к поиску
Алатырев, Василий Иванович
Портрет
чачома чись умарьковонь 1 чи 1908(1908-08-01)
Чачома тарка
Кулома чись сундерьковонь 1 чи 1984(1984-11-01) (76 иеть)
Кулома тарка
Мастор
Важодема ёрокчизе келеньсодый

Васи́лий Ива́нович Ала́тырев (Покровской Урустамак, 1908 иень умарьковонь 1 чи1984 иень сундерьковонь 1 чи, Иж ош) — советэнь шкань келеньсодыдей, удмуртонь келень ды финнэнь-угрань кельтнень содый, филологиянь наукань кандидатось (1937), доцентэсь (1938).

Эрямопингезэ[витнемс-петнемс | витнемс-петнемс лисьмапрянзо]

Васня тонавтнесь Бугульмань I эскельксэнь совпартшколасо, куншкань тонавтнеманть прядызе Казанень II эскельксэнь совпартшколасо. Тонавтнемань перть важодсь волостень ды буень исполкомонь коллективизациянь теицякс ды кшинь пурныцякс.

1930 иестэ школанть прядомадо мейле важодсь ШКМ-нь прявтонь полавтыцякс Кукморонь буень Оштормо-Юмья велесэ.

Ютась Казаньсэ тонавтомань институтсо анокстамонь курсат ды секе же иестэ поступась Лининградонь А.И.Герценэнь лемсэ тонавтомань институтc. 1934 иестэ прядомадонзо мейле кадызь аспирантурав секе же таркасо.

1937 иестэ идизе «Удмуртонь келень сложносочинённой валт» диссертациянть Д. В. Бубрихень ветямонзо ало, самай конанть мейле травизе космополитизманть кисэ.

19371938 иетнестэ важодсь наукань прявт сотрудникекс Келень ды сёрмадомачинь институтсо ды секе шкане Рузонь Наукань Академиянь Лингвистикань ванномань институтсо Ленинградсо.

1938 иестэ путызь рузонь келень кафедрань прявтокс Карелэнь Республикань Тонавтомань институтсо. Советэнь ды финнэнь ютксо торпингесь ды теде мейле серэдемазо явизь В.И.Алатыревень наукадо ды тонавтомадо. Одс кармась важодеме 1940 иень умарьковсто рузонь келень кафедрань доцентэкс Карелэнь ды Финнэнь университетсэ. Се шкасто саезь 1955 иенть видс сон тонавтсь Карелиянь ды Удмуртонь высшей тонавтнема таркасо. Секе марто 1941 иестэ саезь ульнесь Удмуртонь тонавтомань институтсо удмуртонь келень ды литературань кафедрань прявтокс ды рузонь келень кафедрань прявтокс секе жо таркасо ды тувака Карелэнь-Финнэнь университетсэяк.

Студентт марто важодемашкасто ловнось курсат: келень содамочис совамо, келень келей содамо, ташто славянонь кель, рузонь келень историянь грамматиканть, рузонь келень диалектологиянть, неень шкань рузонь кель, финнэнь-угрань филологияс совамо, финнэнь-угрань кельтнень грамматикатнень эсь ютксо онкстамо, удмуртонь кель, удмуртонь келенть эрямопингезэ, удмуртонь келень диалектология.

1955 иестэ В. И. Алатырев тусь важодеме Рузонь Наукань Академиянь Удмуртонь историянь, келень ды литературань иститутс, конась панжозель Удмуртонь АССР-нь Министрань Советэнь ало, косо эрьва кодамо таркасо важодсь пенсияс туема видс - 1978 иестэ.

В. И. Алатырев ульнесь келенть эрьва ёндо ванныцякс, те теевсь васняяк секс, што ульнесь студенттэнь тонавтыцякс ды лия ёндо, се шкане удмуртонь келень ламо кевкстематне ульнесть апак ванно. Сон явсь мель удмуртонь келень валонть теемантень, лексиканень, этимологиянень, графиканень, орфографиянень. Сонзэ ванноманзо мольсть финнэнь-угрань раськетнень этногенезэнь видс. Сон ламо важодсь неень шкань удмуртонь келень наукань грамматикань тееманзо лангсо. Сёрмадсь 150 ламо наукань ды методикань коряс важодемат. Сонзэ теориянь коряс ванноманзо-сёрмадоманзо лездасть ламо удмуртонь келень графикань ды орфографиянь кевкстемань пекстамонень.

Печатазь сёрмадовксонзо[витнемс-петнемс | витнемс-петнемс лисьмапрянзо]

  • Безличные предложения в удмуртском языке // Записки Удм. НИИ ист., яз., лит. и фольклора при СМ УАССР. — Вып. 9. — Ижевск, 1940. — С. 3-10.;
  • О безличных глаголах и безличных синтаксических конструкциях в удмуртском языке. // Записки Удм. НИИ ист., яз., лит. и фольклора при СМ УАССР. — Вып. 10. — Ижевск, 1941. — С. 3-28.;
  • Глаголы притворного действия // Вопросы удмуртского языкознания. — Ижевск: Удмуртское книжное изд-во, 1959. — Т. 1. — С. 73-139.;
  • Образование значение и история имен с формой «-эс». — Ижевск: Удмуртское книжное изд-во, 1962. — 72 с.;
  • Из пермской этимологии. // Вопросы финно-угорского языкознания. — Вып. 4. — Ижевск, 1967. — С. 42-52.;
  • Выделительно-указательная категория в удмуртском языке. // Расширенный доклад на 3 Международном конгрессе финно-угроведов в г. Таллине. — Ижевск, 1970. — 75 с.;
  • Грамматика современного удмуртского языка: Синтаксис простого предложения / Под общ. ред. В. И. Алатырева; Удм. НИИ при СМ УАССР. — Ижевск: Удмуртия, 1970. — 250 с.;
  • Именные деривационные аффиксы. // Вопросы удмуртского языкознания. — Вып.4. — Ижевск, 1976. — С. 1-141.;
  • Этимологический словарь удмуртского языка: Буквы А, Б: 778 словарных статей. / Под ред. В. М. Вахрушева, С. В. Соколова. — Ижевск: Научно-исследовательский институт истории, экономики, языка и литературы при Совете Министров Удмуртской АССР, 1988. — 238, [2] с.

Лисьмапрят[витнемс-петнемс | витнемс-петнемс лисьмапрянзо]

Невткеть[витнемс-петнемс | витнемс-петнемс лисьмапрянзо]