«Умарь чувто ды эрямось» (моро)

Википедиясто материал - аорев содамкундосто
Перейти к навигации Перейти к поиску

«Умарь чувто ды эрямось» — те эрзянь моро, конань моры Евгений Самаркин.

Валтнэ: Евгений Самаркин.
Седямось: Евгений Самаркин.

Валтнэ:
Тундонь чи модась солавты
Панжиковонь лембе чинть
Умарь чувттнэ тарад сравтнить
Мазый цвет эзгаст викшнить.
Истя миньгак од поранок
Эринек прок умарь чувтт
А стувтови мазый шканок
Кода тон илязат стувт.

Мороютко:
Од тейтернекс, од церынекс
Тынк марто ульнинек минь,
Зяро чийнемат чийнинек,
Иетькак а марявить.

Валтнэ:
Шержейгадмо кармась чересь,
Кедтне сормсевсть ды сорныть.
Ансяк оймесь ды седеесь
Зярдояк а сыредить.

Валтнэ:
Кизна пси кувака читне
Кенерстить чувтнэс умарть
Тарадтнэ прясост а витнить
Умарь сталмось уски прянть.
Истя миньгак, зярс одтанок
Оймсемс а эрияк шкась
Умарь эйкакштнэнь кастанок
А мельгаст -- умарь-нуцькат.

Мороютко:

Валтнэ:
Ожоковсто умарь чувтось
Берякадозь сюкони.
Варма мельга лопат тувты,
Пизем сельведте сими.
Истя ломантнень чаматне
Сексень лопат прок олыть,
Арась алест, сюлмизь прятнень
Што чи машты шумбрачись.

Мороютко: