«Пайстомот» (валморо)

Википедиясто материал - аорев содамкундосто
Перейти к навигации Перейти к поиску

Па́йстомот — те валморонть баснянь ёвтавкскенть сёрмадызеть эрзянь сёрмадеесь Моторкинень Михаилесь.

Те лись аволь умок. Стака шкасто.
Кавто пайстомот мольсть Азиясто.
Лангсост нулат-валат, каладсть карсемаст…
- Кода тенек эрямс? Теке кевкстимаст.
Пани сынст уцяскась – а содыть ков,
Вейкесь музгорди: понгомс Московов!

Омбоцесь талны, валтнэ кель прясот:
- Тон ёвтак, кинень эряват тосо?
Те аволь кода тиринь велесэнть,
Содатадызь весе эрьва песэ.
… Ютась эйкакш порам Сура чиресэ
Мельть-превть пурнакшнынь руз-эрзянь куросо.
Шкатне истямольть – човорявкшнынек
Масторонь келес весе срадынек.
Ютыть-пупоркшныть, молить – аварькшныть,
Чачома масторов яла ванкшныть.
Малав пачкодсть. Ваныть: арась велесь.
Юртнэсэ нартемкст срадсть пирень келес.
Перькаст-икелест сыре кальть нурить,
Шержей лопат прясост – пингест эрить.
Одось кувсезевсь: Вай, кода пекем вачсь!
Костояк бу ней модамарь варчамс.
Сыресь разди-кинети, анок тов прамс.
Ансяк мельсэнзэ: пси баняс совамс.
Киньгак а неят, ков весе сралесть?
Ды кавонест чувто алов матедевсть.

Кува иля яка – велявтат тей.
Тиринь ёнксонь нартемксэськак тантей.