Якшамков

January, from the Très Riches Heures du Duc de Berry

Я́кшамков — васенце ковось Григориянонь иень ковкерьксенть, кона ашти ацамковонь ды даволковонь ютксо. Якшамковонь эйсэ 31 чить-веть. Совавтовсь кода вейксэце ковтнеде Кезерь Римсэ 700 м.п. видс (46 иестэ м.п. видс Цезарень Юлиесь аравтызеть иенть ушодомась васенце якшамковсто).

Покшчить

Россиянь Масторсо

• Якшамковонь 14 чи — Сыре Од Ие

Омбомасторонь

• Якшамковонь 1 чи — Од ие

Эрзянь

Якшамковсто эрзятне ютавтыть ламо покшчить ды озкст кельменть панемга: Тувонсяй, Калядат, Од иень покшчить, Шаньгат, мунямкат, ноготонь каямкат.

Чачсть

• Якшамковонь 7 чи — Эрзянь сёрмадыцянть, Мордовиянь Масторонть заслуженной сёрмадеенть ды Прявтмасторонь Казень лауреатонть Доронин Александрань Макаровичень чачома чизэ (1947 ие)
• Якшамковонь 8 чи:
  • Содавикс сёрмадыцянть, прозаикенть, Саратов ёнксонь эрзянть Аникинэнь Стёпан Васильевичень чачома чизэ (1869—1919 иеть)
  • Этнографонть, исторической наукань докторонть, мордовиянь раськень политикань Государственной комитетэнь прявтонть Лузгинэнь Александр Степановичень чачома чизэ (1949 ие).
• Якшамковонь 16 чи — Морыцянть (басонь вайгель), Россиянь заслуженной артистэнть (1959 ие), Мордовиянь заслуженной ды раськень артистэнть (1945 ие) Яушевэнь Иллариононь Максимовичень чачома чизэ (1902 — 31.05.1961)
• Якшамковонь 18 чи:
  • Ученоенть, просветителенть ды педагогонть, профессоронть, Евсевьевэнь Макаронь Евсевьевичень чачома чизэ (1864 — 10.05.1931)
  • Военачальникенть Кутяковонь Иванонь Семёновичень чачома чизэ (1897 — июль 1938)
• Якшамковонь 19 чи — Театроведэнть, режиссеронть, педагогонть, Россиянь ды Мордовиянь заслуженной роботникенть, профессоронть Брыжинскоень Василиень Сергеевичень чачома чизэ (1934)
• Якшамковонь 20 чи — Эрзянь историянь, келень содыцянть Гераклитовонь Александоронь Александровичень чачома чизэ (1868—1933)
• Якшамковонь 28 чи — Содавикс историкенть Ключевскоень Василиень Осиповичесь чачома чизэ (1841-25.5.1911)