Каляда
Ка́ляда — те кезэрень пингень кирдась-коесь ульнесь пек вастневицякс эрзятнень ды лия раськетьнень ютксо.
Калядань чистэ, якшамковонь 6-це чистэ саезь таргонть перть, эрзятне морсесть калядань морот. Якасть кудосто кудос ды калядасть вальма ало. Якасть кода эйкакштнэ, истя покшнтнэяк. Кой-кона велетнесэ прякинеть вешнеме совсесть ансяк эйкакшт, тейтреть эли ракшань ваныцят.
Морыцянь ветницясь кудыкелев совамсто панжилинзе веси кенкшнэнь, ёртниль видьметь истямо вал марто: "тити-пити, саразкеть, зяро ёртынь зёрнат мон, зняро улест одониянк".
Калядань морот
[витнемс | витнемс лисьмапрянть]Теде мейле ушодыльть калядань морамо:
Каляда!
Бабабм пидесь каша,
Томбам лангс путызеть,
Мольсь каткась, сэвизе.
Каткась косо?
Ведрас ваясь.
Ведрась косо?
Лисьмас ваясь.
Лисьмась косо?
Якстере бука симизе.
Якстрере букась косо?
Пшти пеельне печкизе.
Пшти пеельнесь косо?
Кузницясо уголсо.
Кузницясь косо?
Палы толнэ пультызе.
Палы толнэсь косо?
Чуди ведне мацтизе.
Чуди веднесь косо?
Лиси чипаз костизе.
Лиси чипаз косо?
Сэнь пельнесь вельтизе.
Сэнь пельнесь косо?
Сэтьминестэ пизизе,
Мастораванть начтызе.
Кудазоро содазо,
Колмо прякат максозо!
Пейдекшнемань морот
[витнемс | витнемс лисьмапрянть]Зярдо морыцятненень макснесть берянь казне, эли тунь эзть максне, сынь морасть истямо пейдекшнемань моро:
Каляда! Суре штердят истямо,
Каляда! Кода эчке пикскине.
Каляда! Кода эчке ватала.
Згилямонь морот
[витнемс | витнемс лисьмапрянть]Згилямонь морот морсевсть эрьва кодат, ды ламо. Вана эйстэст вейкесь:
Каляда!
Сюк тенк-тыненк!
Минь сынек тыненк,
Тынь моледе миненек!
Сэдь песэ кудонок,
Ведьс ваныть вальманок.
Стядо керень кенкшенек,
Стядо лазонь ортанок,
Сувтемесэ пиянок,
Олго потсо браганок.
Кудазоро содазо -
Колмо прякат максозо!
Вадря казнень максомсто морыльть истя:
Каляда!
Ураз тяка пряка,
Коли максат пряка,
Чачтак цёра тяка.
Кудряв, вадря улезэ,
Сюро види улезэ,
Салонь рами улезэ,
Мелень ваны улезэ,
Коронь кирди улезе.
Кудазоро содазо,
Колмо прякат максозо!
Эйкакшонь калядат
[витнемс | витнемс лисьмапрянть]Ульнесть калядамот седе нурькинеть. Сынст морасть ансяк эйкакш (эйкакшонь калядат). Тень пингстэ каляда валось ёвтневсь ансяк строфань ушодомсто:
Каляда!
А кирине, кирине,
Ков кеверят, кирине?
Молян урьвань саеме.
Коданть лемезэ?
Горниповка-московка.
Кода цёранть лемезэ?
Инязоронь баяга.
Кудазоро содазо,
Колмо прякат максозо!
Каляда!
Чиинь-чиинь, пупординь,
Прякань панинть кутмордынь
Кутмордыя, палыя,
Покш прякиненть мания.
Кудазоро содазо,
Монень пряка максозо!
Чокшне ланга, калядоводомо мейле пурназь прякатьнень тукшнызь аштема кудос. Тесэ эрьва чине, таргонть перьть пелевес налксесть орожиясть ды морость морот.
Чокшнень орожиямот
[витнемс | витнемс лисьмапрянть]Калядоматне ды орожиямотне ютавтневсть од иес. Калядморотнестэ ламотне сюлмавозь кудоютконь ды паксянь тевтнень марто. Ломантне сынст вельде арсесть вейке вейкенень паро сюронь чачома, сюпавчи ды кудоютксо паро эрямо.