Эрзятнень раськень коцт
Эрзятнень раськень коцт[1] (руз. Флаг эрзянского народа) — раськень коцт эрзятнень, раськенть, кона эри Россиясо. Ульнесь кемекстазь 1995 иестэ[2].
Раськень коцтонть эйстэ[витнемс | витнемс лисьмапрянть]
Раськень коцтонть покшолмазо — келезэ кувалмонть коряс лиси кода 1:2. Коцтось ашти колмо тюсто, верде алов: ашо, якстере, раужо. Смустень коряс: олячи, эрямо, Мастор. Неть тюстнэ саезь цёрань ды авань эрзянь оршамотнень тюсост коряс.
Раськень коцтонть смустезэ[витнемс | витнемс лисьмапрянть]
Колмо тюстнэ коцтсонть — те ломанень эрямозо, чачомасто саезь ды Тоначив туемас. Раужось — те аволь ансяк модань тюсозо, те пулаень тюсось. Минек покштятнень-аватнень коряс раужось те — Модавась, сон аваломанень ушодкс, кона рашты од эрямо, сонзэ смустезэ «эрзянь масторось», кона минек анды, максы вий. Эрзятнень те — Паксява, а седе келейстэ чарькодемасо — Масторава, те Тиринь Мастор. Якстере тюсонть смустезэ — те эрзянь ломанень верезэ, эрзя раськенть эрямозо. Те покштятне-пакшаватне, конат рисьменть вельде максызь миненек эрямонть. Те минь, минек келенек, коенек, кирданок. Ашо тюсось — Инешкипазонь тёкшозо. Смустень коряс — те олячи, кона максы тенек вий, оймень марямо.
Коцтонть тевс нолдыть[витнемс | витнемс лисьмапрянть]
Покшчитне, зярдо эрзятне понгавтнить раськень коцтонть (ульнесть кемекстазь Эрзянь Ине Кужосо[2]:
- Чадыковонь 16 чи — Эрзянь Келень Чи. Те чись ульнесь путозь Анатолий Рябовонь чачома чистэнзэ.
- Велень озкссто — эрьва иень (Раськень Озксонь ютавтомань иетнеде башка) — медьковонь омбоце таргочи
- Эрзянь Инекужо
- Раськень Озкс — (ютавтови колмо иень ютазь) 2016 иень медьковонь омбоце таргочи
- Эрзянь лисьмапря — эрьва иень медьковонь колмоце таргочи
- Даволковонь 25 чи — Масторавань Чи
-
Эрзянь раськень коцтось Обиница велесэ, Меремяэ буесэ, Эстэнь Мастор. 2015 иень умарьковонь 1 чистэ тесэ кочкасть Сето раськень инязор/ава. Сакшность эрьва ёндо суоми-угрань раськеть. -
2015 иень умарьковонь 1 чистэ ушодызеть важодеманзо II Cуоми-угрань вики-семинарось. Фотокувось теезь Обиницясо, веси раськекоцтнень вакссо.
Седе тов, косо эрзятне а пурнавить, сынь невтить эсест раськень коцтонть[3][4][5].
Сёрм.[витнемс | витнемс лисьмапрянть]
- ↑ РОО "Эрзянское культурно-просветительное общество «Голос эрзи» // Символика. Эрзянский флаг(руз.)
- ↑ 2,0 2,1 Эрзянь Раськень Инекужось, 1995 ие, эйзюрков, 23 чи. Саран Ош(эрз.)
- ↑ Флаг Эрзя народа на Грушинском фестивале (руз.)
- ↑ Тешнерь велесо кепедсть эрзянь раскень коцт! (руз.), (эрз.)
- ↑ Эрзянская делегация начала работу на конгрессе МАФУН (руз.)