Агафонова, Нина Афанасьевна

Агафонова, Нина Афанасьевна

Агафонова Нина Афанасьевна, келень содый, тонавтыця.

Эрямо кизэ

Агафонова Нина Афанасьевна чачсь 1952-це иень якшамковонь 12-це чистэ неень Мордовия Республикань буень Кочкурвелесэ. Сон филологиянь наукань кандидат (1983-це ие), доцент (1993-це ие). Мордовия Республикань Государственной премиянь лауреат (2000-це ие). Прядызе Эрзянь-мокшонь государственной университетэнть (1977-це ие). 1977 – 1978-це иетнестэ тонавтсь Темников буень Польско-Цыбаевской средней школасо. 1981-це иестэ саезь важоди университетсэ: ассистент, преподаватель, старшей преподаватель, доцент эрзянь келень кафедрасо (1990-це иестэ саезь) (2002-це ие видьс – эрзянь ды финнэнь-угрань языкознаниянь кафедра), филологиянь факультетэнь деканонь полавтыця (1987 – 95-це иетне). 1995 – 96-це иетнестэ – Туркунь унивеситетэнь (Финляндия) стажёр.

Наукань тевензэ

Наукань тевезэ сюлмавозь эрзянь келень дилектологиянь, лексикографиянь ванноманть марто; Равонь томбальксэнь (Заволжьянь) ды Обедпелень Уралонь човорязь диалекттнэнь морфологиянь ванноманть марто.

Агафонова Нина Афанасьевна сёрмадсь кодгеменде ламо научной ды учебно-методической важодевкст, ютксост вейке монография ды вете тонавтнема лездамопельть. Сон «Suomalais-ugrilainen seura» финнэнь-угрань вейсэндявксонь зарубежной член (1998-це иестэ саезь, Финляндия).

Казнензэ

Нина Афанасьевна Агафонова казезь «Трудонь ветеран» медальсэ, Российской Федерациянь Образованиянь ды наукань министерствань Почётной грамотасо.

Сочиненият

• Финнэнь масторось икеле ды ней. Саранск, 1997 (в соавт.);
• Эрзянь кель. Морфология. Саранск, 2000 (в соавт.);
• Вейсэ, башка, тешкс вельде : валкс. Саранск, 2002 (в соавт.);
• Suomalais-ersäläinen sanakirja. Турку, 1999; Саранск, 2000 (в соавт.).

Литературась

• История Мордовии в лицах : биогр. сб. Ковылкино, 2001. Кн. 4;
• Учёные Мордовского государственного университета : биогр. справ. Саранск, 2001 ; 2006;
• Мордовия, XX век: культурная элита : энциклопедич. справ.: в 2 ч. Ч. 1 : А - М / ред. совет: В. А. Юрчёнков (пред.) [и др.] ; редкол.: Т. М. Гусева, А. Юрчёнков (отв.редакторы) [и др.] ; НИИ гуманитар. наук при Правительстве Республики Мордовия. - Саранск, 2010. - 416 с. : 32 с. ил. - (Мордовия. XX век)

ISBN 978-5-900029-71-9 (ч. 1) ISBN 978-5-900029-70-2

Лисьмапрят

https://mrsu.ru/ru/men/detail.php?ID=7019 Архивировазь 12 Умарьковонь 2017 иестэ. http://s2.mrsu.ru/about_the_university/management/8253/ http://csfu.mrsu.ru/ru/archives/1750 https://search.rsl.ru/ru/record/01008772929 https://elib.pstu.ru/vufind/EDS/Search?lookfor=%D0%90%D0%B3%D0%B0%D1%84%D0%BE%D0%BD%D0%BE%D0%B2%D0%B0+%D0%9D%D0%B8%D0%BD%D0%B0+%D0%90%D1%84%D0%B0%D0%BD%D0%B0%D1%81%D1%8C%D0%B5%D0%B2%D0%BD%D0%B0&type=AU https://irbis.amursu.ru/cgi-bin/irbis64r_11/cgiirbis_64.exe?LNG=&Z21ID=&I21DBN=SPRV&P21DBN=SPRV&S21STN=1&S21REF=&S21FMT=fullwebr&C21COM=S&S21CNR=30&S21P01=0&S21P02=1&S21P03=A=&S21STR=%D0%90%D0%B3%D0%B0%D1%84%D0%BE%D0%BD%D0%BE%D0%B2%D0%B0,%20%D0%9D%D0%B8%D0%BD%D0%B0%20%D0%90%D1%84%D0%B0%D0%BD%D0%B0%D1%81%D1%8C%D0%B5%D0%B2%D0%BD%D0%B0 http://chamo.lib.tsu.ru/lib/item?id=chamo:531181&theme=mobile