Шотландской книга

Банахонь, Мазуронь ды Уламонь задача марто Шотландской книгань фрагмент

Г.Штейнгаузонь ды Д. Нейманонь задача марто Шотландской книгань фрагмент

Мазур профессорось кази эрий гала шведэнь математикнень Шотландской книгасто задачань решамонть кис.

Шотландской книга, эли Шкоцкой книга (польск. Księga Szkocka), — эчке тетрадь, конань рамакшнызе Стефан Банах математикенть, неень шкань функциональной анализэнь ды львовонь математической школань теицятнестэ вейкенть, Люция низэ 1935-це иестэ, эйзэнзэ Львовонь математиктне, профессорсто саезь студентс, 1935—1941 иетнень перть сёрмалесть математикань апак реша задачат. Автортнэ, поляконь содавикс учёнойтне ды томбалень учёнойтнеяк, (вейкесь эйстэст ульнесь Станислав Улам), арсесть-алтасть решамост кис казнеть.

Книгантень совавтозельть 193 задачат — ютксост, функциональной анализэнь стакачитнеде башка, ульнесть шожда прянь яжамкаткак. Шотландской книгась ванстовсь «Шотландской кафень» барменэнть эли гардеробщикенть кедьсэ. Максневсь инжетнестэ эрьва вешицянстэнь.

Станислав Мазур Львовсо войнадонть икеле 1939-це иестэ ёвтась С.Уламнень Шотландской книганть ванстомадо мель, кекшизе паргос ды вализе футболсо налксема паксясо ортатнень ваксс Львов ошонть эйстэ авасоло. Войнань прядовомадо мейле Улам получизе те книгань копиянть.

Лия версиянть коряс, войнадонть мейле, 1945-це иестэ, С. Банахонь довазо Польшав репатриациянь шкасто саинзе конёвтнэнь мартонзо Варшавав.

Шотландской книгась ней Стефан Банахонь раськензэ кедьсэ, конат эрить Германиясо.

Шотландской книгань койтне поладовсть Вроцлавсо войнанть прядовомадо мейлеяк, ды 1945—1958-це иетнестэ ушодозель Од Шотландской книга.

Невтевкст

• Księga Szkocka w plikach(поляк.)
• Józef Kozielecki, Банах, гений из Львова(поляк.)
• Stan Ulam, The Scottish Book: Preface(англ.)
• Английский перевод «Шотландской книги» (PDF) Архивировазь 28 Чадыковонь 2018 иестэ. (2,97 MB)