Тюштя лопань салава тешксэнь ванома

{{Лия смустьтне|Тюштя (смустьтне)}}
{{Ломанесь}}
'''Тюштя (Тюштян)''' — [[Эрзя|эрзянь]] [[инязоро]], васенце эрзянь пазмариенек.

== Кие сон ульнесь ==
Валморотнесэ-мифтнесэ ды эпостнэсэ, конат улить эрзятнень, кортамось моли Тюштядо кода васень эрзянь инязордо. Не моротнень лейтмотивесь — эрзянь кирдиця инязоронть кочкамось. Те ине таркантень арыця ломанесь аволь кодамояк пульки-понкс ломань, сон
«мода лангсо сехте сюпав, менель ало сехте козяв», сон пек виев «сисем сабансо, комсьвейкее лишмесэ Тюштянь соки», сонзэ «[[Кшни|кшнинь]] кочкарянзо, кевень пря касмозо, уськсэ тапарязь куманжанзо, конястонзо лиси чись, 
копорьстэнзэ — валдо [[Ков (Моданть ки лангонь ялага)|ковось]], пря чертнень пева — тештинеть»<ref>Paasonen 1938: 60-74, 82-99.</ref>
 
=== Моросо кадовсь лемезэ ===
Сехте кезэрень морось Тюштядо кадовсь эрьва эрзянь велесэ, сонзэ эйсэ эрзятне панжить озксост, озноматнень, покш читнень:

{{Цитатань ушодома}}
'''Тюштя'''<br />
''Кезэрень пингень эрзянь моро''<br /> 
Тюштя, да Тюштязоро,<br />
Да Тюштязоро — да [[Инязор|инязоро]].<br /> 
Ох, косо да Тюштянь масторозо?<br />
Да косо да Тюштянь [[раське]]зэ?<br />
[[2 (ловома вал)|Кавто]] да пандо, да пандо ютксо,<br />
Кавто да ведень усиясо,<br />
Кавто да ведень усиясо,<br />
Ведень усьясо пижине да луга,<br />
Ведень усьясо [[пижэ|пижине]] да луга.<br />
Луганть лангсо да путонь кудо,<br />
Луганть лангсо да путонь кудо.<br />
Кудынесэнть таргань морга,<br /> 
Кудынесэнть таргань морга,<br />
Морганть лангсо да [[ашо]] кшируця.<br />
Морганть лангсо да ашо кшируця,<br />
Руцянть лангсо да пижень яндава.<br />
Руцянть лангсо да пижень яндава.<br />
Яндавасонть човань пуре.<br />
Ох, яндавасонть човань пуре.<br />
Пуресэнть нолдазь сиянь кече,<br />
Пуресэнть нолдазь сиянь кече.<br />
Ков [[Чи (вал)|чизэ]] сон чаравты,<br />
Ков чизэ сон чаравты<br />
Тов кече пулось сон велявты,<br />
Тов кече пулось сон велявты.<br />
Пидезь-панезь [[атякш]]озо,<br />
Пидезь-панезь атякшозо,<br />
Рестазь-пуштазь нучко калозо,<br />
Рестазь-пуштазь нучко калозо.<br />
Верьга да ливтить колмо [[Цянав|цянавт]],<br />
Верьга да ливтить [[3 (ловома вал)|колмо]] [[Нармунь|нармунть]].<br />
Сёлмо да песэст вальмас чавить,<br />
Сёлмо да песэст вальмас чавить,<br />
Ломань кельсэ да сынь басить,<br />
Ломань кельсэ да сынь басить:<br />
Тюштя, да, Тюштя, да, Тюштязоро,<br />
Тюштязоро, да [[Инязор|инязоро]],<br />
Тон а содат, Тюштя, мезеяк,<br />
Тон а содат, Тюштя, мезеяк.<br />
Душман саизе, да, Тюштя, масторот,<br />
Ят саизе, да, Тюштя, масторот,<br />
Ят саизе, да, Тюштя, тонь раськеть.<br />
Коли саизе да ят мастором,<br />
Коли саизе душман монь раськем,<br />
0х, пидезь-панезь монь атякшом<br />
Вельмиязо ды толгиязо.<br />
Вельмиязо ды оймиязо<br />
Да "ку-ка-ре-ку" сон рангстазо.<br />
Коли саизе да ят мастором,<br />
Коли саизе ят монь раськем,<br />
Рестазь-пуштазь да нучко калом<br />
Вельмиязо да оймиязо,<br />
Вельмиязо да оймиязо,<br />
Пурентень нолдазь да уйкшнэзэ<br />
Ох, пидезь-панезь сон атякшось<br />
Вельмиякшнось да толгиякшнось,<br />
Да "ку-ка-ре-ку" сон рангстакшнось.<br />
Ох, пуштазь*-рестазь нучко калось<br />
Вельмиякшкось да оймиякшнось,<br />
Човань пурес сон ювадекшнесь,<br />
Човань пурес сон ювадекшнесь,<br />
Яндавасонть да уйкшнекшнэсь.<br />
Ох, вачкодсь Тюштя кавто кедензэ,<br />
Нединзе Тюштя [[10 (ловома вал)|кемень]] суронзо.
{{Цитатань пе}}

Тюштянесь ульнесь [[Мокшот|мокшонь]] ды [[Эрзят|эрзянь]] васенце Инязорокс (оцязорокс, каназорокс). Те лемесь теевсь «тюштя» нарицательной валстонть, конасонть седикеле эрзятне тешкстнекшнесть сынст племань ветицятнень. Тюштядо ледстнематне неень шкас эзть стувтово эрзянь мельстэ-ёжосто. Нейгак мокшонь ды эрзянь велетнева марсеви «Тюштянь пинге» вал пусмось, конасо эрзятне тешкстыть се шканть, зярдо сынст покштятне-бабатне эрясть атянь биесэ, ансяк велетнева пилестэ-пилес ёвтневить Тюштядо ёвтнематне, ды валонзо, сехте питнеесь эйстэст — [[Тюштянь пазчангот|«Тюштянь пазчангот»]] весенень эрзятненень.

== Сёрм. ==
<references />

[[Категория:Мифология|Т]]
[[Категория:Эрзянь Ине ломанть|Т]]
[[Category:Эрзянь ушман|Т]]