Мордовия Республикась лопань салава тешксэнь ванома

{{РФ масторпелькс}}
'''Мордо́вия Респу́бликась''' ({{lang-mdf|Мордовиясь}}, {{lang-myv|Мордовиясь}})<ref>Оба названия являются официальными и равнозначными согласно Конституции Республики Мордовии, ст. 1, п. 2 {{Ref-ru}}</ref> — республика, [[Россия Мастор|Россия Масторонть]] вейкеть права марто субъект. Прявтошось — [[Саран ош]].

== Географической аштема тарказо ==
Республикась ашти [[Чилисема-Европейской валаня тарка|Чилисема-Европейскоень валаня тарканть]] лангсо чилисема ёнксонть, чивалгома ёнксось ашти [[Йока]]-Дононь валаня таркаванть, тараказо — 26,2 тёжат [[Вайгельпе|вайгельпеть]]. Республиканть сехте вере тарказо — 324 м.
[[Артовкс:Mordovia03.png|thumb|250px|right]]
[[Пелеве ёнкс|Пелевеёно]] Мордовиясь шабрацек ашти [[Обранонь ёнкс|Обран ёнкс]] марто, пелеве-чилисема ёнга — [[Ветькень Республикась|Ветькень Мастор]] марто, [[Лембе ёнкс|чипеле ёнга]] — [[Пенза ёнкс]] марто, [[Чивалгома|чивалгомава]] — [[Эрязянь ёнкс|Эрязянь ёнксонть]] марто.

Мордовиява чудить 114 [[лей]]ть. Сехте покштне: [[Мокша лей|Мокша леесь]], [[Исса лей|Исса]], [[Севонь лей|Сивинь]], Сатис, [[Вадолей|Вад]] чудильманзо марто ды [[Сура лей|Сурась]] — [[Ратор лей|Ратор (Алатырь)]], [[Инесаро лей|Инсар]] ды Рудня чудильманзо марто. Истяжо Мордовиясо малав 500 [[эрьке]]ть. Сехте покштне: [[Инерка]] ды Татарка.

== Икелень эрямо кевкстемась ==
[[1928 ие]]нь [[медьковонь 26 чи|кемкотово чи]]стэ, Куншка-Равонь ёнкстнень потмсо, теезь Эрзямокшонь округось (кужось). Эрзянь Мокшонь Масторось (Мордовиясь) чачсь [[1930 ие]]нь [[якшамковонь 10 чи]]стэ кода явозь ёнкс, мейле сон теевсь Эсь Азорксчи марто (Автономной) Масторокс. [[1934 ие]]нь [[ацамковонь 20 чи|ацамковонь комсеце чи]]стэ лемдязь — Мордовской Автономной Советской Социалистической Республикакс. [[1990 ие]]нь [[ацамковонь 7 чи|ацамковонь сисемце чи]]стэ сон теезь — Мордовской Советской Социалистической Республикакс. [[1994 ие]]нь [[якшамковонь 25 чи|комсьветееце чи]]стэ неень шкас — Мордовия Республикась. Эрзянь ды Мокшонь Масторонь Конституциясь примазь [[1995 ие]]нь [[таштамковонь 21 чи|таштамковонь комсьвейкеце чи]]стэ Мордовия Республикань Конституциянь Промкссонть.

== Эрицятнеде ==
[[Артовкс:Народы Мордовии.png|thumb|400px|left|Раськетьне конат эрить Мордовияссо]]
Мордовиясо неень шкасто эрить 808 888 лом. (2015 ие), 807 453<ref name="Оценка численности">[http://www.gks.ru/free_doc/new_site/population/demo/Popul2016.xls Оценка численности постоянного населения на 1 января 2016 года и в среднем за 2015 год. ] {{Ref-ru}}</ref> лом. (2016 ие). Мордовия Республикасо совить комськавтово велень буеть, вейке ошонь кужот ды кото буень кедь алов совиця ошт. Весемекс: 19 важодиця эрямот, ды 1 313 велеть. Ошонь эрицят — 61,22 % (2015 ие).

Мордовиясо эрить [[эрзят]] (чилисема ёнкссо) ды [[мокшот]] (куншка таркасо ды чивалгома ёнкссо).

Мокшотнеде сех ламо Атюрьбуень (90,27 %), Торбейбуень (62,55 %), Ташто Шайгабуень (59,48 %), Пейкужо буень (52,14 %) ды Ковёлбуень (51,72 %) ёнкстнэсэ. Эрзятнеде — Кочкурбуень (92,14 %), Тумобуень (86,4 %), Отяжбуень (84,72 %), Покш Игнадбуень (83,47 %), Орданьбуень (57,85 %) ды Покш Килейбуень (56,84 %) ёнкстнэсэ. Лия буетнева, кода Саран Ошонь кирьксэнть эрицятне рузт.

Сех ламо эрицятне лововить православиянь христианокс. Теде башка ламо эрицятнеде каить пряст мусульманонь кемемантень (магометянонь). Алкуксонь эрзятне кемить Эрзянь Кемема юртненень, ды алтыть оймест [[Инешкипаз|Инешкипазнэнь]]. Икелень шкасто эрьва эрзя раськенть-буенть ульнесь эсензэ прявтозо — Чиряз, конань лангсо ульнесть буень Эрзянь Чиряз, весень сынст перть-перькава пурныль Эрзянь Инязор. Васенце Ине Инязорокс ульнесь [[Тюштя]]. Сондензэ мейле сехте содавикс Инязорокс ульнесть [[Инязор Пургаз|Пургаз]], кона аштесь [[Эрзянь Мастор|Эрзянь Масторонть]] кисэ XIII пингестэ. Инязоронть икеле кочкильть эрзянь Покш чистэ — [[Раськень Озкс|Эрзянь Раськень Озксо]]. Неень шкань эрямосонть, кочкасть Эрзянь Инязоро Пиргуж.

== Масторонь прявт кельтне ==
Масторонь прявт келекс Мордовиясо лововить [[Рузонь кель|рузонь]], [[Эрзянь кель|эрзянь]] ды [[Мокшонь кель|мокшонь]] кельтне.

2002 [[Ие|иестэ]] весе Россиянть келес эрицятнень ловноманть коряс эрзятнеде, мокшотнеде, каратайтнеде, тюрюханьтнеде ды шокшатнеде Россия Масторсо эрить малав 843350 ломаньть. Тиринь келенть содасызь эйстест 614260 ломанть, рузонь келенть содасызь 837534 ломанть. '''[[Эрзят|Эрзякс]]''', 2002-це иень ловномасонть эрзякс пряст сёрмадызь 84407 ломанть, мокшокс — 49624. Кода невти ловномась (статистикась) эрзянь ды мокшонь эрицятнеде 1989 иестэ 2002 иес вишкиньгавтовсь 27%-с (1989 иестэ эрзятнеде ды мокшотнеде ульнесь 1 153 987 ломанть).

Васенцеде, наукань тевсэ эрзянь келень юронть ванькставтызе руз валтнэнь эйстэ '''эрзянь васенце профессор''' [[Рябовонь Анатолий|Рябовонь Анатолий Павлович]] .

== Эрьва мезде ==
Неень шкасто Мордовия ловови аграрно-индустриальной регионокс, течинь чис саезь сон ашти вейке рядсо виев ды покш Россиянь предприятиятнень ютксо. Мордовиясо нолдавить электроника, экскаваторт, резинотехнической изделият, медицинань препарат, валдонь приборт, вагонт ды пельвагонт. Покш вирень площадьтне аштить юрокс чувтонь перерабатывающей промышленностьсэнть. Республиканть велень хозяйствасо кастовить [[Модамарь|модамарть]], сахор якстерькайть ды лия эмежт. Покш тарка истя жо саи кудонь ракшань кастомась ды сывелень миемась.

Республикасо улить пек мазы таркат, тесэ ваставить тусто [[вирь|вирть]], вирень степть, чеядавкст ды чуварт, [[лей]]ть ды [[Эрьке|эрькть]], поронь пандопрят ды раужо [[мода]]. Тесэ касыть [[тёжа]]до ламо куракшонь ды цецянь видт, эрить [[кавтосядт]]о ламо [[нармунть]] ды малав [[кодгемень|котонькемень]] [[ракшат]]. Эсензэ мазычисэнзэ республикась мани иестэ иес седе ламо оймсицят.

Республикась ловови ламораськенекс, тесэ эрить эрзят, мокшот, [[шокшот|шокшат]], [[рузт]], [[печкаст]] ды лиять, весе сынь эрить паро мельсэ ды оймсэ. Мордоявиясо ламо тонавтнемань, шкинемань ды оймсемань учрежденият.

== Налксемат ==
Мордовиясь ламо иеть содави эсензэ налксицясо-спортменсэнзэ истямо видсэ, кода [[спортонь якамо|якамосо]], стака атлетикасо, греко-римской бороцямосо, пауэрлифтингсэ ды спидвейсэ. [[2004 ие]]стэ васенцекс республикасо Михаил Мишин<ref name="«Советская Сибирь»">[http://www.sovsibir.ru/news/83955 «Советская Сибирь». ВЗЯВ «СЕРЕБРО» В ОБЩЕКОМАНДНОМ, МЫ УСТУПИЛИ ЛИШЬ МОСКВЕ] {{Архивировазь|url=https://web.archive.org/web/20201023090741/http://www.sovsibir.ru/news/83955 |date=2020-10-23 }} {{ref-ru}}</ref> сайсь сиянь медаль Афинэнь Олимпиадасо. Неень чистэ республикасо 500 ламо эйкакшт бажить саемс соревнованиясо призовой таркат спортивной якамосо, ды эряви меремс, ули кинь кис кенярдомс. Денис Нижегородов<ref name="Runners.ru">[http://runners.ru/post/5285 Runners.ru. Денис Нижегородов: дело в так называемой «гусиной лапке»] {{ref-ru}}</ref> ды Алексей Воеводин<ref name="«Столица С»">[https://stolica-s.su/sport/athletics/15117 "Редакция еженедельной газеты «Столица С». «Я был не меньшим героем, чем Денис Нижегородов»] {{ref-ru}}</ref> 2004 иестэ теевсть сиянь ды бронзовой призерокс Олимпиадасо Афинасо. Спортонь якамоcо содавиксэвть [[Каниськина, Ольга Николаевна|Ольга Каниськина]]<ref name="ТАСС">[http://www.eurosport.ru/athletics/story_sto5663172.shtml  ТАСС. Олимпийская чемпионка по спортивной ходьбе Ольга Каниськина завершила карьеру] {{ref-ru}}</ref> ды [[Валерий Борчин|Валерий Борчин]]<ref name="«Спортбокс»">[http://news.sportbox.ru/olympics/spbnews_NI44882_Pekin_2008_Dla_Borchina_zolotaja_medal_stala_surprizom  «Спортбокс». Пекин-2008: Для Борчина золотая медаль стала сюрпризом] {{ref-ru}}</ref>, конат [[2008 ие]]нь Пекинэнь Олимпиаданть Чемпионтт.

== Мордовиянь тонавтнемань таркат ==
* Республикасо тонавтнемань 9 версе заведеният (вере тонавтнема тарка). Сынст прявтсо Мордовиянь Н. П. Огарёв лемсэ государственной университетэсь. Панжозь [[1931]]-це иень [[ожоковонь 1 чи]]стэ кода педагогической институт. [[1957]]-це иень [[ожоковонь 2 чи]]стэ саезь университет. Ней эйсэнзэ [[14]] факультетт ды [[7]] институтт, конатнесэ тонавтнить [[35]] тёжадо ламо студентт. Равчирень классической вузтнэстэ сехте покш, сови национальной исследовательской университеттнэнь юткс.

* Мордовиянь М. Е. Евсевьев лемсэ государственной педагогической институтось теезь [[1962]]-це иень [[медьковонь 30 чи]]стэ. Ней эйсэнзэ 7 факультетт, конатнесэ тонавтнить малав [[6]] тёжат студентт. [[2004]]-це иестэ Рособразованиянь рейтингсэ масторонь [[78]] педагогической вузтнэнь ютксо саизе [[36]]-це тарканть.

* Россиянь кооперациянь университетэнь Саранскоень кооперативной институтось теезь [[1976]]-це иень [[таштамковонь 23 чи]]стэ. Эйсэнзэ тонавтнить малав 7 [[тёжа]]т студентт. Тонавтнемась ветяви истямо лувсо: лицей — техникум — вуз. Кооперативной техникумось аноксты специалистт [[5]] специальностень коряс, высшей образования максови 4 специальностень коряс.

== Мордовиянь буетне ==
Ней Мордовиясо 22 буеть ды республикань кедь ало 3 [[ош]]т ([[Саранск]], [[Рузаевка]], [[Ковёл ош]]).
[[Артовкс:Mordovia districts numbered.svg|thumb|400px|Буень ланкс явомась Мордовиясо]]
# [[Орданьбуе]]
# [[Атюрьбуе]]
# [[Отяжбуе]]
# [[Покш Килейбуе]]
# [[Покш Игнадбуе]]
# [[Тумобуе]]
# [[Кузбуе]]
# [[Пейкужо буе]]
# [[Инесаро буе]]
# [[Ицялонь буе]]
# [[Кадоньбуе]]
# [[Ковёлбуе]]
# [[Кочкурбуе]]
# [[Якстерекуро буе]]
# [[Лямбирьбуе]]
# [[Оразайбуе]]
# [[Рамаданбуе]]
# [[Ташто Шайгабуе]]
# [[Чополтбуе]]
# [[Теньгушбуе]]
# [[Торбейбуе]]
# [[Чаунзабуе]]

== Лисьмапрят ==
<references />

{{Commonscat|Mordovia|Мордовия Республикась}}

{{Мордовиянь буетне}}
{{Суоми-угрань масторт}}
{{Равчирева федерациянь кужось}}
{{Россия Масторонть масторпелькстнэ}}

[[Категория:Мордовия|*]]
[[Категория:Википедиясь:Кочказь лопат]]