Леннон, Джон
(Одов кучозь Джон Леннон-стэ)
Джон Уинстон Оно Леннон (англ. John Winston Ono Lennon; чачома лемезэ — Джон Уинстон Леннон; чачсь 1940-це иень панжиковонь 9-це чистэ, Ливерпуль, Инебритания — кулось 1980-це иень якшамковонь 8-це чистэ, Нью-Йорк, АВШ) — британь рок-музыкант, морыця, валморонь сёрмадыця, композитор, артыця, сёрмадыця ды активист, кона теевсь весе масторлангонь содавиксэкс кода The Beatles группань теиця, вейсэнь сёрмадыця, валморозей ды ритм-гитарист.