Бӓйрӓмова Фӓузия Аухадьевна

Фӓузия Байрамова
Фӓузия Байрамова
	печк. Фәүзия Аухади кызы Бәйрәмова
чачома лем	Фӓузия Аухадьевна Бӓйрӓмова
чачома чись	ацамковонь 5 чи 1950 (73 иеть)
Чачома тарка	Сабай[d], Тимершикское сельское поселение[d], Сабинэнь буе, Татарстанонь Автономонь Советонь Социализмань Республикась[d], Российянь Советэнь Федеративной Социалистической Республикась[d], Советэнь Вейсэндявкс[d];
Мастор	Советэнь Вейсэндявкс[d]; Россия Мастор;
Важодема ёрокчизе	правозащитник, вейсэндявксонь теиця
казнеть ды медальть
	Бӓйрӓмова Фӓузия Аухадьевна

Бӓйрӓмова Фӓузия Аухадьевна (тат. Фәүзия Аухади кызы Бәйрәмова; (1950-це иень ацамковонь 5–це чистэ, Сабаевасо, СССР) — россиянь ды татаронь сёрмадей, раськень тевендей ды мельтопавтомань идиця. Эрямопингень наукань кандидат (2006)^[1], «Ittifak» партиянть прявтозо, вейкесь Татарстанонь татаронь раськень ды политикань оппозициянть ветицятнеде.

Эрямопингезэ

Фӓузия Бӓйрӓмова чачсь Башкортостанонь Сабаева велесэ. Куншкашколанть прядомадонзо мейле поладызе тонавтнеманзо Казань ошсо — васня театрань школасо, ды седе тов Казань ошонь кирдий университетэнть (1983–1989) филологиянь факультетсэ. 1986–це иестэ кочказь СССР-ень сёрмадеень курос. Профессиянь эрямокинзэ ушодызе Казанень телестудиясо важодемасо, теде мейле важодсь книгань нолдамотевсэ редакторокс. Секе шкастонть ушодсь эрязасто совамо политикас. Ульнесь Татарстанонь Раське фронтонь инициативань центрасо. Ансяк лиссь тосто лиякс политиканть лангс ванноманзо кисэ. Путсь мель–лездась Татаронь раськень центранть важодемас, теевсь вейкекс «Ittifak» партиянть юкровтыцятнеде — васенце аволь коммунистической партиянть Татарстансо.

Прявт тёкшмелекс те партиянть кармась Татарстанонь олячись ды республикань политикань системанть демократиясо койтнень-лувтнень ветямос^[2].

Васенце конгрессэсь кочкизе Фӓузия Бӓйрӓмовань Прявтокс, а нилецесь, 1997–це иестэ одов кемектызе сонзэ те таркантень. 1990–1995-це иетнестэ ульнесь Татарстан Республиканть депутатокс, эрязасто путсь мель–лездась истят документтнэнь анокстамсто: «Татарстанонь суверенитеттэ декларация» (1990); «Татарстанонь суверенитеттэ референдумонть лувовкстнэ» (1991); «Татарстанонь Конституция».

1991-це иестэнть Фӓузия Бӓйрӓмова анокстась ды ютавтсь вачоаштема акция РСФСР-ень Президентэнть Татарстансо кочкамонть каршо. Вачоаштемась ютавтовсь 14 чинь перть, ды мельганзо кепететсь ломантнень кочкамотнень каршо эряза лыкамо. Секс панжиковонь 27-це чистэ Татарстанонь парламентэсь яволявтсь кочкамотнень а ютавтомадо. Секе иестэнть Фӓузия Бӓйрӓмова ульнесь Тюркань раськетнень Ассамблеянь пурнамосонть, ды теевсь вейкекс ассамблеянть лидертнэде. 1994–1998 иетнестэ сон ульнесь Татарстанонь сёрмадеень куронь президиумсонть. Нолдась «Altyn Urda» (эрзякс «Сырнень Орда») кулялопанть, зярс сонзэ эзизе пекста Татарстанонь кирдивиесь.

Компромисстэме Бӓйрӓмовань политикась ветязель Татарстанонь Прявтветикуронть каршо, ды башка Минтимер Шаймиев Президентэнть каршо, сонзэ Московонь марто вемельспрамонь позициянть кисэ.

Эрьва ие сон ульнесь «Татаронь раськень нусманя ледстямо чи» политикань акциясо, кона алтазь Иван Грозноень ушманвийтнесэ Казанень ханстванть прявтошонзо саемантень.

2010 иестэнть ульнесь васенцеде сялдозь вейке иес (услойкойсэ) раськеютксо кежчинь кирвазтемань кисэ. Сялдома мельспрамодонть икеле Бӓйрӓмова яволявтсь бажамодо Росиясо а эрямодо, ды лията, демократиясо эриця масторов туемадо. Ансяк истя теемс эзь лисе 2014 иень ожоковонь 2-це чистэнть Фӓузия Бӓйрӓмова ульнесь омбоцеде сялдозь секе чумотевде статьянть кисэ. Набережные Челны ошонь видечинь ванкшнома курось одов прась сялдомамельс — «вейке ие услойчисэ». Ансяк тувталокс ульнесть сонзэ сёрмадовксонзо, конатнесэ ёвтнесь, кода Татарстанонь кирдивиень вийструктуратне, эрьва чи ютавтыть мусульмантнэнь репрессият ды пансемат. Теде башка Бӓйрӓмова яволявтызе эсь ве мельс прамонзо крымень татартнэнь марто, конат ульнесть Крыменть Россиянь пельксэкс нельгеманть каршо^[3].

Шнамотешкст

Лисьмапрят

↑ Роль М.Г. Худякова в исследовании истории и культуры народов Среднего Поволжья (руз.). «Электронная библиотека диссертаций».
↑ Политические партии / Республика Татарстан (рос.). «Приволжский федеральный округ».(недоступная ссылка — история). Ваннозь 11 Даволковонь 2022. Архивировано из первоисточника 11 Ожоковонь 2014. Архивировазь 11 Ожоковонь 2014 иестэ.
↑ В Татарстане активистка Фаузия Байрамова приговорена к году условно (рузкс). «Радио Свобода».

[1] Роль М.Г. Худякова в исследовании истории и культуры народов Среднего Поволжья (руз.). «Электронная библиотека диссертаций».

[2] Политические партии / Республика Татарстан (рос.). «Приволжский федеральный округ».(недоступная ссылка — история). Ваннозь 11 Даволковонь 2022. Архивировано из первоисточника 11 Ожоковонь 2014. Архивировазь 11 Ожоковонь 2014 иестэ.

[3] В Татарстане активистка Фаузия Байрамова приговорена к году условно (рузкс). «Радио Свобода».

[1]

[2]

[3]