Яшнов, Анатолий Васильевич
| Яшнов, Анатолий Васильевич | |
|---|---|
| чачома чись | чадыковонь 28 чи 1902 |
| Чачома тарка | |
| Кулома чись | якшамковонь 27 чи 1987 (84 иеть) |
| Кулома тарка | |
| Мастор | |
| Важодема ёрокчизе | оперань морыця |
| казнеть ды медальть | |
Яшнов Анатолий Васильевич — морыця (лирической тенор). МАССР-энь заслуженной артист (1946).
Эрямо пингезэ
[витнемс | витнемс лисьмапрянть]Чачсь 1902-це иень чадыковонь 28-це чистэ Симбирь ошсо (Симбирск), ней Ульянов ош (Ульяновск). Прядсь церковно-приходской школа, морась церькувань хорсо. 1919-це иестэ саезь Рабоче-крестьянской Якстере армиясоль. Демобилизациядо мейле (1921) важодсь Волго-Бугульминской чугункань кинь управлениясо.
Тонавтнесь Ленинградонь государственной консерваториянь вокальной факультетсэ. Морсесь эстрадасо Симбирь ды Самар оштнесэ. 1931-це иестэ васенцеде морась Самарань оперань ды балетэнь театрань сцена лангсо Гонецэнь партиянть (Дж. Вердинь «Аида»). 1930-це иетнестэ морсесь Алма-Атань (Казахонь ССР), Ташкентэнь (Узбекень ССР) оперань театратнесэ. 1940 – 48-це иетнестэ – Оперань ды балетэнь республиканской театрань солист, 1948 – 50-це иетнестэ – Мордовской государственной филармониянь солист, Морамонь ды киштемань мордовской государственной ансамблянь солист; 1951 – 55-це иетнестэ – Саранонь музыкальной училищань тонавтыця; 1959 – 62-це иетнестэ – Мордовской государственной музыкально-драматической театрань оперной труппань солист. Морась классикань западноевропейской ды рузонь оператнесэ малав 40 партият, невтсь музыкально-сценической неявикс истят образт, кода Герцог, Альфред (Вердинь «Риголетто», «Травиата»), Фауст (Ш. Гунонь «Фауст»), Ленской (П. И. Чайковскоень Евгений Онегин), Князь (А. С. Даргомыжскоень «Русалка»), Лыков (Н. А. Римской-Корсаковонь «Царская невеста»), Владимир Игоревич (А. П. Бородинэнь «Князь Игорь»), Андрей (М. П. Мусоргскоень «Хованщина»), Виряй, Истрать (Л. П. Кирюковонь «Несмеян и Ламзурь», «Литова»).
Концертсэ морсесь классикань операсто арият, эрзянь ды мокшонь кельсэ романст. Казезь «За доблестный труд в Великой Отечественной войне 1941 – 1945 гг.» медальсэ.
Кулось 1987-це иень якшамковонь 27-це чистэ Саран ошсо.
Литературась
[витнемс | витнемс лисьмапрянть]- Искусство Мордовии : биобиблиогр. Справ. Саранск,1973 ;
- Калитина Н. П. Очерки о мордовском музыкальном театре. Саранск, 1986 ;
- Мордовия : энц. Саранск, 2004. Т. 2 ;
- Бояркина Л. Б. Мордовская музыкальная энциклопедия. Саранск, 2011 ;
- Мордовия, XX век: культурная элита. Саранск, 2013. Т. 2.