Калаганонь Керяз

Википедиясто материал - аорев содамкундосто
(Ютавтозь Рябовонь Пётр вельде)
Перейти к навигации Перейти к поиску
Калаганонь Керяз
Kalaganonj Kerjaz.jpg
керсеманзо марто, 2007 иестэ
Чачома лем: Пётр Владимирович Рябов
Важодема ёрокчизе : керсидей, Йовлань Олонь лемсэ Этно-кудонь прявтось
Чачома чись: таштамковонь 6 чи 1951({{padleft:1951|4|0}}-{{padleft:9|2|0}}-{{padleft:6|2|0}}) (67 иеть)
Чачома тарка: Вирь Тавла, Кочкурбуе, Мордовия Республикась
Мастор: Flag of the Soviet Union.svg СССР[d]
Flag of Russia.svg Россия Мастор

Калаганонь Керяз (руз. Рябов Пётр Владимирович), (1951 ие сундерьковонь 27 чи Вирь Тавла Кочкурбуе) — эрзянь керсидей, Йовлань Олонь лемсэ Этно-кудонь прявтось.

Эрямопингезэ[витнемс-петнемс | витнемс-петнемс лисьмапрянзо]

Чачсь Вирь Тавла Кочкурбуень велесэ 1961 иень сундерьковонь 27 чистэ, эрзянь покш семиясо, косо чачсть-кассть кото эйкакшт. Аванзо пельде сон сайсь пек ламо. Ульяна Тихоновна авась превей, фольклоронь содыця, моронь вечкиця. Зярдо Петр тонавтнесь котоце классо, школазост сась чувтосто содавикс керсицясь Н.И. Мастин, кармась ветямо артовтомань ды трудонь урокт. Сон пурнынзе перьканзо эйкакштнень, варштась, кие машты керсеме, изняви-арась чувтось. Николай Иванович теевсь тенст пек вадря тонавтыцякс. Истя Петра кармась якамо чувтосто керсицянь кужос. Покш класттнэнь прядынзе Пакся Тавлань школасо. Истя лиссь, школань прядомадо мейле сон сась важодеме тиринь велев. Тосо панжовсь чувтосто керсемань эйкакшонь школась. Петя Бочкин ялганзо марто ульнесть васенце тонавтыцякс, кармасть тонавтомо керсеме вишкинетнень.


1980 - 1982 иетнестэ служась армиясо, Белорузиянь Могилев ошсонть, тосто сазь кадовсь велесэ, ды эсензэ виензэ путозель чувтосто керсемантень. 80-иень прядовомсто Вирь Тавласо ульнесь панжозь кооператив (руз. «Тавлинский сувенир»), прявтокс ульнесь кочказь Керяз. Сон ульнесь пурныцякс I чувтосто керсиця семинаронть Мордовиясо, ды I Омбомасторонь суоми-угрань раськень чувтосто керсицятнень семинаронть «Вейсэнь ундокст»[1] (руз. «Единные корни»). 2006 иестэ панжозель «Шкань суринеть» персональной васенце выставказо. Керсидеенть ёрокчинзэ содыть финнэнь-угрань мастортнэсэ.

Калаганонь Керяз ламо таркава невтнесь эсь керсевксэнзэ, ламо Раськемасторга ды Масторга. Тензэ максозь «Россия Масторонь раськень мастер» (руз. «Народный мастер России») лем. Россиянь Художникень союзонь член (2003 ие). Ламо иень перть Керяз ашти «Эрьмезь» тавлань керсицянь вейсэндявксонть прявтокс[2]. Седе ламо керсевксэнзэ Керязонь алтазь эрзянь эрямонь невтемантень. Сон керси истямо лувсо, кода керсильть кезэрень эрзятне. Сехте содавикст керсевксэнзэ: «Инешкипаз», «Уцяскань пакся», «Калонь кундыйть», «Охотникть», «Анге патясь». Меельце кавто иетнень перть примась участия Салехардсо, кавксть Удмуртиясо, Ульяновской областьсэ садово-парковой скульптурань фестивальтнесэ. Керсевксэнзэ ванстовить Таллинсэ, Ине-Петрань ошсо, Сарансо ды лия ламо ошсо.

2006 иестэ, Вирь ало Тавласо панжозель «В.Ромашкин лемсэ музеесь этно-кудось»[3]. Сонзэ прявтокс-ваныцякс путозь Калаганонь Керяз.

Сёрм.:[витнемс-петнемс | витнемс-петнемс лисьмапрянзо]

  1. Резчики по дереву поклонились богине (руз.)
  2. Мастер Калаганонь Керяз открыл душу эрзянского народа выставкой в Саранске (руз.)
  3. «Эрьмезь» вейсэндявксонь прявтонтень - 50 (эрз.)