Оскасо - тея стенас

Википедиясто материал - аорев содамкундосто
(Одов кучозь Оскасо -- тея стенас-стэ)

Оскасо -тея стенас — эрзянь пакшатнень телень ды кизэнь чыйнема-чарамо налксемась. Налксить 10 — 14 иесэ цёрынеть ды тей􏰀 тернеть. Ламочист — зяро пурнавить.

Налксемань кедьёнкстнэ[витнемс | витнемс лисьмапрянть]

1. Резинань оска 4 — 10 см диаметрасо. 2. Лазонь чавомка, 12 см келезэ, 60 см кувалмозо. 3. Стена􏰀лаз 200х30 см эли щит 100х30 см покшолмасо, чавозь палка лангс ды тон􏰀 гозь модас.

Налксемань кой􏰀кирдатне[витнемс | витнемс лисьмапрянть]

Налксема паксянть лангс теевить кавто буйть, сынст тешкстасызь кикс􏰀 сэ. Буйтнень ютксо 15 — 20 метрат. Стенась стявтови васенце буенть кун􏰀 шкас. Жеребейсэ кочкави ванстыця. Сон ары стенанть малас. Весе лия налксицят􏰀 не, кинь кодамо мелезэ, срадыть пакся􏰀 ванть омбоце буенть удалов. Сынсь эсест ютксто кочкить очкань ловныця. Ванстыцясь, чавомкасонть виевстэ эшкезь, кучсы осканть паксяс. Весе налксицятне терявтыть кундамс ос􏰀 канть ливтямсто. Осканть кундыцязо ары омбоце буень киксэнть лангс ды ёртсы стенантень. Бути оскась понги стенас, сестэ ёртыцясь ары ванстыцякс ды сонсь ушоды пачтнеме осканть ча􏰀 вомкасонть паксянтень. Сон карми истя тейнеме знярс, зярс паксясо налк􏰀 сицятне а токасызь оскасонть стенанть. Эшксематне ютавтовить сестэяк, зярдо киненьгак налксицятнестэ оскась а кундави. Изницякс лиси се, кие налксемань перть пурнась седе ламо очкат. Стенас понгоманть ды чавомкасонть осканть паксяв эрьва кучнеманть кисэ путови вейке очка. Бути налксить кавто командат, сестэ изницякс ули се, косо налксицятне пурнасть седе ламо вейс путозь очкат.

Сёрм.:[витнемс | витнемс лисьмапрянть]

Брыжинский Василий Сергеевич 2002: Сиянь рисьминеть. Мордовской книжной издательствась. Лл.96-97.