Ташто Найман веле (Покш Килейбуе)
| Веле | |||
| Ташто Найман веле | |||
|---|---|---|---|
| 54°16′ с. ш. 45°56′ в. д.HGЯO | |||
| Мастор |
 Россия |
||
| Регион | Мордовия | ||
| Буе | Покш Килейбуе | ||
| История ды география | |||
| Эрицятне | |||
| Эрицятне | 541[1] ломань (2010) | ||
| Раськеть | эрзят | ||
| Цифрань идентификаторт | |||
| Почтань индекс | 431758 | ||
| Автомобильной код | 13 | ||
|
| |||
Ташто Найман веле (кортамокельсэ: Эрзянь Найман) (руз. с. Старые Найманы) — эрзянь[2] веле Покш Килейбуесэ, Мордовиясо.
Ашти Пичелей лангсо, кона Малая Кша леенть сянглей. Ульнесь путозь XVII пингесте: лецтяви (руз. «Книга бортных ухожаев») конёвсо (1614 ие) Ташто Найман веленть мельга кирдевсть-ульнесть 500 цётат мода. Кода лецти (руз. «Список населенных мест Симбирской губернии») конёвось (1863 ие) Найманы – веле 253 кудот марто Ордань уездсэ.
2001 иестэ тесэ эрясть 765 ломанть, 2010 иень ловномась невти ансяк 541 ломанть.
Веленть лемденть
[витнемс | витнемс лисьмапрянть]Лемесь-этноним: тюрконь найман (руз. «народность», «название одного из тюркских племен[2]») валонть эйстэ.
Ули лия арсема веленть лемденть. Содазь, коли-коли эрзянь велетне кандыть а чарькодевиця лемть. И кой-зярдо мельс сакшны истямо арсема — а косто появась Найман веленть лемесь? Кой-кона велетне кандыть леень лемть, конань вакссо сынь сравтовозь; лиятне — пандонь ды седе тов. Те велесь, кона ашти кавто а покш пандо юткссо, латко шушмосо, кувалмонзо чуди а покшке лейне — канды лем Найман.
Сыре бабинетне кортнесть, сонзе лемесь лиссь истя:
умонь шкасто ютась минек латконть трокс рузонь воевода, конась несь а покш семия, кекшезь шушмосонть эйстэст. Зярдо воеводась мольсь малазост-тандавтозь ломантненень, кевкстизе рузонь кельсэ — кить сынь. Серьгедеманзо каршо пилезэнзэ каятотсь лем Найман — истямо лем кандсь сехте сыре атя. Тень мейле монь чачома тарканте кармасть мереме Найман веле.
Содавикс ломанть те велестэнть
[витнемс | витнемс лисьмапрянть]Ташто Найман велесэ чачсть:
- Абрамовонь Кузьма[3] (1914—2008) — эрзянь содавикс сёрмадей.
- Коломасовонь Василий[4] (1909—1987) — эрзянь советэнь сёрмадей.
- Каштанова Пелагея[5]— эрзянь келеньсодый, тонавтыця.
Веленть эрямозо
[витнемс | витнемс лисьмапрянть]XIX п. прядомсто — XX п. ушодомсто велесэнть тейнесть чувтонь койметь, нешкень кудот. 1929 иестэ ульнесь теезь вейсхоз «Од ки» (руз. «Новый путь»), 1996 иестэ — «Старонайманонь» вельхозяйствань производствань пурнавкс (руз. СХПК «Старонайманский»), 1998 иестэ саезь — 2 К(Ф)Х. Неень шкасто велесэнть — куншкань тонавтнема школа, ловнома кудо, Шкинемань кудо, медицинань тарка, лавка.
Ванодо
[витнемс | витнемс лисьмапрянть]Ульяновскоень масторсо Павловкань велентень лемезе Найман веле.
Эрицятне
[витнемс | витнемс лисьмапрянть]Лисьмапрят
[витнемс лисьмапрянть]- ↑ Численность и размещение населения Республики Мордовия. Итоги Всероссийской переписи населения 2010 года (руз.)
- ↑ 2,0 2,1 Цыганкин Д. В. Память, запечатленная в слове. Словарь географических названий Республики Мордовия. Саранск, 2005. – 431 с. (руз.), (эрз.), (мокш.)
- ↑ Библиотека Мордовской литературы: Абрамов Кузьма Григорьевич Архивировазь 15 Панжиковонь 2019 иестэ. (руз.)
- ↑ Библиотека Мордовской литературы: Коломасов Василий Максимович (руз.)
- ↑ Мордовские языки: энциклопедия / науч. ред. А.Н. Келина, А.В. Чернов; редкол.: В.А. Юрчёнков (пред.) [и др.]; НИИ гуманитар. наук при Правительстве Республики Мордовия. — Саранск, 2012. — 384 с. ISBN 978-5-900029-93-1(руз.)
|
Те лопанть ушодовкс Мордовиянь географиядонть. |