Моро Артур

Моро Артур
Артовкс:Artur Moro.jpg
чачома лем	Афанасий Матвеевич Осипов
чачома чись	панжиковонь 11 чи 1909(1909-05-11)
Чачома тарка	Якстере Лисьмапрят, Бугурусланский уезд[d], Самарская губерния[d], Россиянь империясь
Кулома чись	якшамковонь 13 чи 1989(1989-01-13) (79 иеть)
Кулома тарка	Москов ош, Советэнь Вейсэндявкс[d]
Мастор	Россиянь империясь  Советэнь Вейсэндявкс[d]
Важодема ёрокчизе	валморозей, куляньсёрмадей
казнеть ды медальть

Моро Артур (руз. Афанасий Матвеевич Осипов) (1909 иень панжиковонь 11 чистэ Самарань ёнксонь Похвистневань буень Якстере Лисьмапрят велесэ — 1989 ие якшамковонь 13 чи Московсо) — эрзянь валморонь ладсий.

Эрямо пингезэ

Чачсь Якстере Лисьмапрят велесэ Похвистневань буень Самарань ёнкссо сокиця-видицянь семиясо. Тетязо нужачиденть тукшнось Сибирев, важодекшнесь сюпав ломань кедьгак, чугункань ки лангсояк. В 1925 иестэ А. Моро туи Московов. Глуховонь Петрань (кона ульнесь эрзянь «Якстере теште» кулялопанть прявт-редакторокс) лездамонзо коряс Моро пряды Фабрикань-заводонь тонавтнеманть. Теде мейле сонзэ саизь важодеме текстэнь пурныцякс СССР-нь раскень Центриздатов.

Ине Ойнанть перть ульнесь «Вперед за Родину» кулялопанть редакторокс, ульнесь ушмантнень вакссо. Ульнесь казезь Яксстере Теште орденсэ. Ойнань прядоманть мельга тонавтсь Московсо ды Мордовияссо.

Васенце валморонзо рузонь кельсэ («Сердце бедное, зачем нам горевать?») ульнесь публиковазь 1926 иестэ «Печатник» ковставксо. Теде мейле лисить валморонзо: «Пиже тумо ало» (руз. «Под зелёным дубом», 1927 ие), «Пекшень дудкине» (руз. «Липовая дудочка», 1927 ие), «Сёрма деданень» (руз. «Письмо дедушке», 1927 ие) ды лиятне, конат кансть од сёрмадыцянтень содамочи. Валморозо «Пекшень дудкине» теевсь раськень морокс.

Кой-конат валморонзо совасть васенце эрзянь ды мокшонь пурнавксос «Васень сяткт» (руз. «Первые искры», Москов, 1929 ие).

Шкинемазо

Эрзянь кельсэ, ютавтозь рузонь кельс Саран ошсо ды Московско листь:

• «Пурьгинень зэрть» (руз. «Раскаты грома», 1931 ие)
• «Келейстэ кинть» (руз. «Шире дорогу», 1932 ие)
• «Чись раки» (руз. «Солнце смеется», 1932)
• «Эрямонь ким» (руз. «Путь моей жизни», 1934 ие)
• «Моран эрямонть» (руз. «Пою жизнь», 1945 ие)
• «Ветка дуба векового» (1968 ие)
• «Поздняя любовь» (1973 ие)
• «Весеннее эхо» (1980 ие)
• «Мой месяц май» (1989 ие)

А. Моро сёрмадсь поэмат:

• «Волганть казнензэ» (руз. «Дары Волги», 1952 ие)
• «Вастома» («Встреча», 1959 ие)
• «Иетнень сееремаст» (руз. «Перекличка лет», 1964 ие)
• «Вечкемадо легенда» (руз. «Легенда о любви», 1980)

1997 иестэ лись сонзэ романозо «Степан Эрьзя». СССР-нь Сёрмадеень вейсендявксов совиця 1935 иестэ. Мордовиянь заслуженной валморозей (1969 ие). Кулось 1989 иень якшамковонь 13 чистэ Московсо.

Калмазь тиринь велесэ — Якстере Лисьмапрясо.