Куторкин Андрей Дмитриевич

Википедиясто материал - аорев содамкундосто
А. Ёндол
Куторкинэнь Андрей
Чачома лем: Андрей Дмитриевич Куторкин
Важодема ёрокчизе : эрзянь кельсэ сёрмадей ды валморонь ладсий
Чачома чись: умарьковонь 25 чи 1906({{padleft:1906|4|0}}-{{padleft:8|2|0}}-{{padleft:25|2|0}})
Чачома тарка: Студенец веле, Порец буе, Ветькень Республикась
Гражданчи: Россиянь ИмперияFlag of Russia.svg Россиянь Империя
СССРFlag of the Soviet Union.svg СССР
Кулома чись: панжиковонь 12 чи 1966({{padleft:1966|4|0}}-{{padleft:5|2|0}}-{{padleft:12|2|0}}) (59 иеть)
Кулома тарка: Саран ош

Куторкинэнь Андрей (cёрмадей лемезэ эрз. А. Ёндол[1], 1906 умарьковонь 25 чи - 1991 панжиковонь 12 чи) — эрзянь кельсэ сёрмадей ды валморонь ладсий[2].

Чачсь 1906 умарьковонь 25 чистэ Студенец велесэ неень Порец буень Ветькень Республикасо изыця-видицянь семиясо. Прядызеть Порецень куншка школанть. 1924 иестэ 1927 иес тонавтнесь Ульянонь совпартшколасо, косто сонзе кучить Мордовияв. Ульнесть тензэ 18 иеть. Тесэ чалгаськак литературань кинть лангс. Пек лездась политпросвещениянь коряс тонавтыцясь Анна Александровна Караваева. Самай сон тешкстынзе тонавтницянть ёрокчинзэ. Се шкастонть Андрей Куторкинэнь лемесь появась Алатырень уездэнь «Трудовой газетасонть». «Деревенские» – истя лемдязель васенце очеркезэ. «Красная звезда» газетасонть лиссть прозань лия произведениянзо.

«Талантонь сяткине эйсэть ули, ды, паряк, кирвази покш толпандя»[2]

- мерсь А.А.Караваева. Самай сестэ од сёрмадыцясь саизе Ёндол псевдонименть.

Ушодовсь социализмань шкась. Вишка народтнэнь кармась улеме сёрмаст. Ушодовсь асодамочинть марто бороцямось. Андрей Куторкинэнь кучизь Мордовияв, Дубинькав. Тесэ сон Тумобуеень ловномакудонь прявт, сон ламо вийть путы ломантнень ловнома-сёрмадома тонавтомасо. Коллективизациянь иетнестэ созэ кочкить васенце председателекс «Рассвет» вейсхозсо Жабина велесе.

1932 иесте куляньсёрмадымась, литературань важодемась карми сонзэ смустезэ, Куторкин сась Саранов.. 1934 иенть видс важодсь «Эрзянь коммуна» кулялопасо, седе тов «Сятко» ковставксонь редакторокс (1934-1935), важодсь прявтредакторокс Мордовской книжной издательстванть (1935-1939, 1943-1945), ульнесь кочказель правлениянь прявтокс МАССР-нь Сёрмадеень Вейсэндявксонть (1945-1951). 1952 иестэ саезь 1958 иес ульнесь ответственной секретарекс, ветицякс «Советская Мордовия», «Эрзянь правда» кулялопатнень. Колмоксть ульнесь «Сятко»/«Сурань толт» ковставксонть-журналонть прявтсо: 09.1933 ― 12.1933, 11.1935 ― 12.1937 ды 09.1958 ― 06.1959[3].

Зярс ульнесь редакторокс, газетань лопатнесэ эзь лисне вейкеяк строчка сонзэ лемензэ ало:

«Мон прявт редактор, ды монь лият тевень»[2]


Сон вадрясто топавтсь тевензэ Мордкизэнь прявт редакторокс ды Сёрмадеень вейсэндявксонть правлениянь прявтокс улемстэяк. 1934 иестэнть лиси «Раужо палмань» историко-революционной романозо. Важодсь лангсонзо пек куватьс. Сялдыцятнеяк эзть пракшно мартонзо ве мельс. 1941 иестэнть лиссь «Ламзурь» поэмазо. Теманть тензэ евтызе СССР-нь сёрмадеень васенце промкссонть сонсь Максим Горький. Эйсензэ невтезь 1743-1745 иетнестэ инязоронть каршо Терюшевской волостень эрзятнень-мокшотнень восстаниясь. Сонзэ коряс сёрмадозь эрзянь васенце оперась «Несмеян и Ламзурь» (1944). 1905-1907 иетнень революциядонть ёвтневи «Покш ки лангсо умарина» валморосо сёрмадозь романсонть. 1976 иестэнть лиссь «Лажныця Сура» колмо книгасо романозо. Те кармась редявикс тевекс республикань культурной эрямосонть. Куторкиннэнь максозь Мордовиянь Государственной премиясь. Романось нолдазель Московсо.

А. Ёндол - раськень сёрмадей МАССР (1984), заслуженной сёрмадей МАССР (1966), МАССР-нь Государственной премиянь лауреат (1987). 1934 иестэ ульнесь примазь СССР-нь Сёрмадеень Вейсэндявксов.

Шкинеманзо[витнеме-петнеме | витнемс-петнемс лисьмапрянзо]

  • Раужо палмань
  • Лажныця Сура I (1969)
  • Лажныця Сура II (1976)
  • Лажныця Сура III (1987)

Лисьм.:[витнеме-петнеме | витнемс-петнемс лисьмапрянзо]

  1. Библиотека мордовской литературы. Куторкин Андрей Дмитриевич (А. Ёндол)(руз.)
  2. 2,0 2,1 2,2 «Эрзянь Мастор», №479, АНДРЕЙ ЁНДОЛНЭНЬ 110 ИЕТЬ (эрз.)
  3. «Сятко», №1,1― 114, 2003, 5-це лоп. Зярдо ды кие журналонть прявтсоль(эрз.)