Губа

Википедиясто материал - аорев содамкундосто
(Ютавтозь Губа (город) вельде)
Перейти к навигации Перейти к поиску
Ош
Губа
азеринь Quba


Губа́ (истя жо Куба́ азеринь Quba) — Азербайджансо ош, Бакудо пелевеёнкс-чивалгома ёнов 168 вп, Губинэнь буень административной куншкакуро. Ашти Шахдаг пандонть пелевеёнкс-чилисема ёнонь чиретнесэ, иневеденть уровнянзо коряс 600 м седе вере, Кудиал-чай леенть вить чиресэ Хачмаз чугункань кинь станциянь эйстэ 28 вп чинеле-чивалгома ёнов.

Историясь[витнемс-петнемс | витнемс-петнемс лисьмапрянзо]

Джума-мечеть (Губа), XIX-це пинге

Арсеви, неень ошонть таркасо аштесь Кавказонь Албаниянь Хобота[1] античной ошось. Птолемей кезэрень грекень географось Кавказонь Албаниянь 29 оштнень ды велетнень ютксто тешкстылизе Хоботантькак (кез.-грек. Χοβωτα)[2][3].

Губась ледстневи европань эрьва кодамо географонь важодевкссэ, кезэрень арабонь ды албанонь лисьмапрятнесэ (источниксэ). Замканть, конань 11-це пингестэ стявтызе Анушираван инязорось, лемезэль «Бад-Фируз Кубат», а арабонь XII-це пингень лисьмапрятнесэ Губась ледстневи кода «Куба». XIII-це пингестэ Хамаби арабонь содыдеенть географиянь лемень валкссонзо («Словарь географических названий арабского ученого Хамаби») азербайджанонь оштнэнь ютксо сон ледстневсь кода Кубба, а 16-це пингень лисьмапрятнесэ Губадонть мереви «Купол».

Губа ошось теевсь Гудиаль ведьчирень велестэ. 18-це пингень куншкасто Хусейн Али саизе резиденциянзо Худатсто ды теевсь Губань ханокс, ошонть перька сэрейгавтынзе стенатнень-пирявкстнэнь. Губань ханствась седеяк виевгадсь Фатали-ханонь (Хусейн Алинь цёранзо)[4] инязорксчинть пингстэ (1758-1789).

Ды ялатеке Губань ханствась, кода лия азербайджанонь ханстватне, ульнесь педявтозь Россиянь империянтень 1813-иень вемельс прамонть (соглашениянть) коряс. 1840-це иестэ реабилитациядо мейле Губась совавтозель Дербентэнь губернияс, 1860-це иестэ - Бакунь губернияс[4]. 1861-це иентень тосо ульнесть 1 рузонь православной церькова (Богородицань Успениянть лемс) (путозель 1828-це иестэ); 1 армянонь церькова (стявтызе Лазарев графось 1845-це иестэ истямокс, кодамо Московсо армянонь церьковась; 8 синагогат; 3 мечетть (вейкесь суннитэнь, кавтотне шиитэнь)[5]

Губав пачколесть Александр Дюма, Березин рузонь востоковедэсь, Бестужев-Марлинский сёрмадеесь, Тур Хейердал норвегиянь учёноесь ды модамастор ланга якицясь (путешесвенникесь).

Эрицятне[витнемс-петнемс | витнемс-петнемс лисьмапрянзо]

«Кавказонь календаренть» коряс, 1857-це иестэ Кубасо лововсть 3086 (768 кудот) мусульмант-шиитт, 1157 (195 кудот) мусульмант-суннитт, 3011 (607 кудот) еврейть, 43 армянт (7 кудот) ды 17 рузт (3 кудот)[6].

Ош маласо Якстере Слободась (Красная Слобода) —Азербайджансо пандонь еврейтнень сехте покш эрямо таркаст.

Губань этнической составось царень ды советэнь невтевкстнэнь коряс
Этнической группат 1873 ие 1886 ие 1897 ие 1926 ие 1939 ие 1959 ие 1970 ие 1979 ие
числ. % числ. % числ. % числ. % числ. % числ. % числ. % числ. %
азербайджант 5 900 52.9% 6 486 46.6% 7 134 46.4% 6 168 45.3% 7 839 65.4% 12 545 57.0% 15 436 81.8% 16 444 85.5%
лезгинт 221 1.4% 84 0.6% 842 7.0% 1 565 7.1% 1 640 8.7% 1 957 10.2%
рузт 141 1.2% 291 2.1% 441 2.9% 697 5.1% 2 349 19.6% 1 686 7.7% 1 442 7.6% 593 3.1%
украинт 134 1.0% 125 1.0%
армянт 833 6.0% 807 5.3% 48 0.4% 142 1.2% 101 0.5% 80 0.4% 91 0.5%
Еврейть 5 127 45.3% 6 287 45.2% 6 212 40.4% 6 285 46.2% 105 0.9% 146 0.7% 71 0.4% 60 0.3%
Татарт 60 0.3% 35 0.2%
грузинт 10 0.1% 26 0.2% 9 0.1% 15 0.1% 14 0.1% 9 0.0% 3 0.0%
аварт 52 0.3% 1 0.0% 1 0.0%
курдат 1 0.0%
татт 1 0.0% 30 0.1% 6 0.0%
немецть 4 0.0% 9 0.1% 13 0.1% 39 0.3%
перст 151 1.0% 16 0.1%
шахдагт 43 0.3%
полякт 6 0.0%
лият 62 0.5% 267 1.7% 158 1.2% 529 4.4% 5 916 26.9% 127 0.7% 52 0.3%
весемезэ 11 324 100% 13 917 100% 15 363 100% 13 613 100% 11 986 100% 22 003 100% 18 871 100% 19 237 100%

Экономикась[витнемс-петнемс | витнемс-петнемс лисьмапрянзо]

Кубань куншка куринка

Советэнь шкасто Кубасо стявтозель ГЭС, истя жо Садоводствань, виноградарствань ды субтропикень культурань научно-исследовательской институт. Садоводческой райононь куншкакуро.

Культурась[витнемс-петнемс | витнемс-петнемс лисьмапрянзо]

Артовкс:Памятник жертвам геноцида 1918 года в городе Губа.jpg
"1918-це иень геноцидэнь жертватненень» кеврунго (памятник)
Вейсэнь калмо

Ковроткачествань содавикс куншкакуро. Кубасо ашти Азербайджанонь искусствань университетэнь филиалось. Ули историянь-краеведениянь музей. Губа (Куба) ошось - Азербайджансо покш оштнэстэ вейкесь. Ашти Бакунть эйстэ пелевеёнов 165 вп туро. Ошось путозель XV-це пингестэ, XVIII-це пингень омбоце пельксстэ ульнесь Губань ханствань прявтошокс. Масторонть (страна) сех мазый оштнэстэ вейкесь.

Губасо Олимпийской Комплексэсь[витнемс-петнемс | витнемс-петнемс лисьмапрянзо]

120 вп туро Бакунть эйстэ Олимпийской комплексэсь нолдазель 2003-це иень ожоковонь 11-це чистэ. Покшолмазо 16 гектарт. Маштови футболсо, мини-футболсо, баскетболсо ды волейболсо налксемс.

Джума-мечеть[витнемс-петнемс | витнемс-петнемс лисьмапрянзо]

Джума-мечетесь стявтозель 19-це пингестэ. Лия лемезэ «Джама». Мечетенть туртов якстере кирьпецесь теезель Игрыг велесэ.[7].

Сакина-ханум мечеть[витнемс-петнемс | витнемс-петнемс лисьмапрянзо]

Сакина-Ханум мечетенть 1854-це иестэ стявтызе Аббасгулу Бакихановонь довась, кулозь мирдензэ ледстнемга. Мечетесь теезель якстере кирьпецьстэ.[8]

Чухур Хамам[витнемс-петнемс | витнемс-петнемс лисьмапрянзо]

Чухур хамам - те шлямо тарка, баня. Сон теезь якстере кирьпецьстэ. Александр Дюмаяк шлясь те банясонть, зярдо уульнесь Губасо. Банясь важодсь 1985-це иес. Ней пекстазь.[8]

Аббасгулу Бакихановонь кудо-музей[витнемс-петнемс | витнемс-петнемс лисьмапрянзо]

Аббасгулу Бакиханов лемсэ местной историянь музеесь путозель 1943-це иестэ Губасо. Музейсэнть экспонаттнэде 10 тёжадо ламо. Эрьва ие тов сакшныть 3 тёжадо седе ламо ломанть.

Гудиалчаень сэдь[витнемс-петнемс | витнемс-петнемс лисьмапрянзо]

Гудиалчаень сэдесь стявтозель 1894-це иестэ III-це Александрань (Александр III) проектэнзэ коряс. Ней сон ловови архитектурань памятникекс. Азербайджансо сонзэ кондят лия сэдть арасть.

Тосонь содавикс ломантне[витнемс-петнемс | витнемс-петнемс лисьмапрянзо]

  • Рейхан Топчибашева (1905-1970) — советэнь азербайджанонь артыця, Азербайджанонь ССР-нь искусствань заслуженной деятель.
  • Фархад Велиев — азербайджанонь футболист.
  • Мамедрафи Мамедов — советэнь ды азербайджанонь военной ды государственной деятель, генерал-лейтенант.

Эрицятне[витнемс-петнемс | витнемс-петнемс лисьмапрянзо]

  1. Н/Д[9]
  1. Н/Д[10]

Ошт-ялгат[витнемс-петнемс | витнемс-петнемс лисьмапрянзо]

Вант истя жо[витнемс-петнемс | витнемс-петнемс лисьмапрянзо]

  • Куба ошсо вейсэнь калмо
  • Азербайджанонь оштнэ
  • Азербайджанонь административно-территориальной явомась

Невтевкст[витнемс-петнемс | витнемс-петнемс лисьмапрянзо]

Лисьмапрят[витнемс-петнемс лисьмапрянзо]

  1. William Hazlitt. The classical gazetteer: a dictionary of ancient geography, and profane. — Whittaker, 1851. — С. 108. — 378 с.
  2. Борис Дмитриевич Греков, Аркадий Лаврович Сидоров. Исторические записки, Объемы 1-2 / Институт истории (Академия наук СССР). — Издательство Академии наук СССР, 1937. — С. 134.
  3. Известия / Академия наук Азербайджанской ССР. — Элм, 1990. — С. 141.
  4. 4,0 4,1 Tarixi - QUBA RAYON Icra Hakimiyyəti. www.quba-ih.gov.az. Проверено 23 Умарьковонь 2018.
  5. П.Семенов. Куба старая // Гeогpaфичeско-cтaтиcтичecкий cлoваpь Рoccийcкой Импepии. Том II. — Санкт-Петербург, 1865. — С. 812-813.
  6. Кавказский календарь на 1857 год. — Тифлис, 1856. — С. 350, 351.
  7. Гюльнара Мамедханова "Джума мечеть в Кубе // Баку: Элм.. — 1986.
  8. 8,0 8,1 8 туристических достопримечательностей Губы (ru). Проверено 23 Умарьковонь 2018.
  9. Губа > Данные не обнаружены. Возможно, страница переименовывалась. Проверьте справочник
  10. Губа > Данные не обнаружены. Возможно, страница переименовывалась. Проверьте справочник