Обран Ош
Обран Ош — кемекстазь эрзя раськень прявт ош, Алоош, ошонь юровтома таркасонть, Эрзянь Масторонь кирдиенть форпост ды лия масторонь микшницятнень пельде каявксонь пурнамо тарка. Паряк ульнесь стявтозь тосо, косо ней Нижегородской кремлясь; Ока леенть ёнов ваномга ды ванстомга, башка кемекстазь утомкардотне ульнесть стявтозь Дятловы пандотнесэ.
Этимологиясь[витнемс | витнемс лисьмапрянть]
Ош эрзякс пирязь, кемекстазь «эрямо тарка», Обран — прявтонть лемезэ, кона вастневи летописьтнесэ.
Историясь[витнемс | витнемс лисьмапрянть]
Нижноень кремлянть территориясонть, ды лия таркатнесэ, течинь археологтнэнь сявлематне исковоматне невтить: Ока ды Рав лейтнень сэрейть чиретнева пек ламо кевень шкань.эрямо таркат ды калмазэрть. Улить знярыя эсь койсэ арсемат Нижной ошонь юровтомадонть. Вейкесь эйстэст ёвтни эйстэнзэ кода рузонь центрадо, кона ульнесь стявтозь эрзя ошонть тарказонзо. XII пингенть ушодомазонзо, Ока леенть Рав лейс прамо таркасо модатне ульнесть эрзятнень, конат эрясть биляртнэнь - булгартнэнь «протекторатонть» ало.
Хроник XVII пингень хроникатне видьстэ ёвтнить Обран оштонть Ока леень Рав лейс прамо тарскасонть.
1171 -це иестэнть Андрей Боголюбский кучизе Мстислав цёранзо булгартнэнь лангс. Мартонзо арсесть вейсэндявомо муромонь ды рязанень князьтнень цёратне. Мстислав сась Обран ош алов ды ушодсь кармавтомо эрзятнень совамо суздалень князенть кедензэ алов. Мстислав князесь ушодызе тюреманть ды ошось ульнесь изнязь. Таркасонзо князесь стявтызе эсь кемекстазь кардоутомзо, ансяк эрзятненень кенерсть само лия таркасто эрзянь ушманвийтне ды изнизь Мстиславон дружинатнень Щербинки веленть вакссо.[1]
Обран Оштонть кортыть эрзянь хроникатнесэ ванстазь эрзя раськень маралядонть Пургаз инязордонть лецтнематне. Сон кадызе, тусь Обран Ошсто ды теде мейле се таркасонть, 1221 –це иестэнть Юрий Всеволодович володимирэнь князесь, стявтсь кемекстазь кардоутом, кона ульнесь лемдязь «Новый город Нижней земли».[2]
Советской учёнойтнень важодемасонть эрзянь Обран Ошто содамочитне ульнесть кекшезь, сын ульнесть, ды нейгак а эцевить официальной версияс Нижньой Новгородонь эрямопингеденть. Тевень кувалт ташто Нижноень явомась зярыя пингеть ванстась умонь эрямо таркатнень: Ильинка буесь – купецт ды сюпавт ошонь эрицят; Балчуг –микшнема тарка ды венчсэдявкс; Покровкадонть чилисема ёнов, паряк Эрзянь Мастор чирязтнэнь модатнесэ, стясть дворянтнэнь ды посадонь мастерломатнень кудост. Кезэрень шкань Обран Ош лемесь, паряк ванставсь «Ошарская» пенть лемсэ. Нижноень таркасо эрзянь оштонть ёвтнесть содавикс историктне В. Татищев, Н. Карамзин, М. Покровський.[3]
Легендатне[витнемс | витнемс лисьмапрянть]
Нижнойсэ ули ошонь ёвтнема седе, кода Нижноень кремлянть Коромысловской палманькудонть (башнянть) юровтомсто, алонзо ульнесь калмазь сюпав содавикс буень од тейтерь, истя, кода тейнесть умонь эрзятне, зярдо юровтсть одт кемекстазь кардоутомт.