Мадьяронь Мастор

Википедиясто материал - аорев содамкундосто
Мадьяронь Республикась
Magyar Köztársaság
коцт Герб
коцт Герб
Мадьяронь кирдимасторонь моро
Аулькедьалонь чисть 1918 ие (Австриянь эйстэ)
Масторпрявт кель мадьяронь
Прявтош Будапешт ош
Сехте покш ош Будапешт ош 
Правлениянь хвормась Парламентэнь республикась 
Мода-тарка
 • Весемикс 93 030 вп²
 • % ведень велькс 0,74
Масторонь эрицятне
 • Онкстнемамелесь (2006) 10 059 000 лом.
Валютась-ярмакось Форинт (HUF)
Интернет-домен .hu[d]
ISO-нь код HU
МОК-нь код HUN
Кортавксонь кодт +36
Шкань каркс UTC+1[d]
Автонь ардомась вить ёндо[d][1]
 Мадьяронь Мастор


Мадья́ронь Респу́бликась (Мадьяронь Мастор) (мад. Magyar Köztársaság; нурькинесте лемезе — Magyarország, «Мадьяронь Мастор») — Куншка Европасо масторось, кона шабрацек ашти Австриянь, Словакиянь, Украинань, Румынень, Сербиянь, Хорватиянь и Словениянь мастортнень марто.

Эрямопинге[витнемс | витнемс лисьмапрянть]

Кезэрэнь пингеть[витнемс | витнемс лисьмапрянть]

Кезэрэнь пингедест эрямопинге-содамо аламо соды. Кельсодыцят коряс, икеле-угор кан явовомо мейле сынь туить чивалгома ёнксос, косо эрясть икеле-пермонь кан марто. Мейле сынь асодавикс тувталт коряс тусть тосто (ули арсемась, тувталозо ульнесь масторлангсонь лембелгадома). Зярдо тусть, сынь човоргадокшнозевить равонь булгартнэ марто, мезе витесь лиялгадоманть: финно-угоронь коень матриархатстонть сынь ломакурост лиялкстомтось патриархатс. Теньде мейле, сынь мольсть Раужо Иневедесь ваксс (Леведия пинге), косо сынь вейсэндезевить тюрконь кант марто, те вейсэндявкс лемезэ - "Мадьяронь конфедерациясь". Тень пингень мадьярт лецтневить Константин Тумоякстерьсэчачозь иесёрмадомасонть "оногурокс". Сынь шаштовсть седе тов, ды тень пинге лемдить "Этёлькёз" (Рав ютко), косо сынь иранонь (Яст) кан марто вейсэндсь. Сенедеяк сынь Арпад азор витемазо ало шаштовсть Паннонияс, косо сынь 895 иесэ стасть. Те эрямопингень тейнемась лемдеви honfoglalás (Хонфоглашааш - Тиринь мастор саема).

Мадьяронь корольчи[витнемс | витнемс лисьмапрянть]

1001 пингесэ Иштван I Арпад кармась мадьяронь корользо. XI пинге васенце пелькссэ Иштван I Арпад витемазо ало мадьярт печтесть кристаньчис.

Иштван I Арпад, артовксось "Хроника"-стонть

Сонзэ куломанзо мейле, корольчисэ кармась тазямо Арпад-кан ломанензэ ютксо.

Кумант чисть Мадьяр Корольчис татартнестэ, конат марто торпингенть видесть. Секскак, мадьярмасторов ульнесь калавтыця татаронь каявкшномась, сявта татарт пек ламо велетнень пултазь.

1301 иесэ кулсь меельце Арпад-канонь азор, мейле виев торпингеть лавтовтость масторонть, ды прядовсть ансяк зярдо Анжу кан ушодсь кирдеме мадьяр корольчинть. 15 пингесэ мадьяр корольчись ульнесь алойшть виев Европасонть. Тень каршо, 16 пингесэ турконь каявкшнома пе путсь виевчинень.

Турконь пинге[витнемс | витнемс лисьмапрянть]

1520-иетнесэ османт покш мелест марто каявкшнынзе мадьярт лембеёнксонь ошт лангозост, ды калавтызь ненть. Мадьяронь корольчи паншуманзокс ды "лембеёнксонь ортакс" лововикс Белград ульнесь нельгязь, секскак те ветесь Мохач инетюремас, кона прядовсь туркот ёнкссост. 1541 иесэнть туркт нельгесть Буданть. Тень мейле Мадьяронь корольчинть явовтызь туркт колмонь-колмонь: Чилисемань Мадьяронь Корольчис (конанть седе позда лемдесть Эрдей Азорочикс), ды Королень Мадьяронь Мастор, ды нельгязь мастор.

Турконь азорчи алов пек ламо велеть ульнесть калавтозь, 17 пингень омбоце пельксэнзэ ансяк вишка оштнесэ эристь ломанеть.

Масторонь аравтома[витнемс | витнемс лисьмапрянть]

Мадьяронь мастор - кортамокудонь вейсэньтевмастор. Койнолдыця ломаютко - Раськень промкс, кочкавтыця 4 иес. Топавтниця ломаюкто - Мадьяронь кондан, конась ари Васенце-Министр эйстэ ды министрт эйстэ. Ванныця ломаютко - Мадьяронь конституциянь сялдомакудо

Лыкамот[витнемс | витнемс лисьмапрянть]

Васолонь вить[витнемс | витнемс лисьмапрянть]

"Седе вадря Мадьяронь мастор кис лыкамо" ("Седе вадря кис") - Jobbik Magyarországért Mozgalom

"Тиринь масторнок" - A Mi Hazánk

"Мадьяронь видечи ды эрямо" - Magyar Igazság és Élet Pártja

Вить

"Фидес" - Fidesz

"Христианонь демократия раськень лыкамо" - Kereszténydemokrata Néppárt

Куншкань

"Мадьяронь либералонь лыкамо" - Magyar Liberális Párt.

Керш-куншкань

"Мадьяронь социалистонь лыкамо" - Magyar Szocialista Párt

"Политика улеви лия!" - Lehet Más a Politika!

"Демократиянь вейсэндявкс" - Demokratikus Koalíció

"Кортамо Мадьяронь мастор кис" - Párbeszéd Magyarországért

Керш

"Мадьяронь важодицянь лыкамо" - Magyar Munkáspárt

Эрицятне[витнемс | витнемс лисьмапрянть]

Лисьмапрят[витнемс | витнемс лисьмапрянть]