Дергачёва, Любовь Фёдоровна

Дергачёва, Любовь Фёдоровна

Дергачёва Любовь Фёдоровна, валморонь сёрмадый.

Эрямо пингезэ

Чачсь вейке тёжа вейксэсядт сизьгемень колмоце (1973) иень ожоковонь кеменце (10) чистэ Мордовия Республикань Дубёнкань буень Кочкурвелесэ сокицянь-видицянь семиясо. [[1991 ие|1991-це иестэъъ сон прядызе тиринь велень средней школанть. Теке жо иестэнть кармась тонавтнеме Н. П. Огарёв лемсэ Эрзямокшонь государственной университетэнь филологиянь факультетэнь эрзянь отделениясо. Сонзэ прядомадо мейле важодсь «Сятко» журналсо литсотрудникекс. Ней сон – «Новая жизнь» Дубёнкань райгазетань корреспондент.

Шкинемазо

Сёрмадомо Дергачёва Любовь ушодсь школасо тонавтнемстэ. «Кочкурвелем» васенце стихезэ лиссь 1988-це иестэ «Пионерэнь вайгель» (ней – «Чилисема») журналсо. Аволь аламо произведениянзо печатавсть «Новая жизнь» районной газетасо, «Эрзянь правда» газетасо. 1991-це иестэ «Сятко» журналсо лиссь «Чокшнесь викшнезь сырнень тештьсэ…» стихень покш пурнавксозо. 1995-це иестэ Эрзямокшонь книгань издательствась нолдызе «Вечкемадо» стихень вейсэнь пусмонть. Эйзэзэ совасть Любовь Дергачёвань зярыя стихензэяк. «Оймесь мородо а чами» стихень башка книгазо лиссь кавто тёжат (2000) иестэ. Стихензэ секе тев лиснесть райгазетасо, «Чилисема» ды «Сятко» журналтнэсэ. Сынь вельть оймевть, сёрмадозь мазый кельсэ, токить эрьвань седей. Ды сынст кодаяк а човорясыть лия авторонь произведения марто.

Казнензэ

Дергачёва Любовь – «Рождественская звезда» пелькстамонь дипломант ды лауреат. Сонензэ ульнесть максозь Российской Федерациянь Президентэнть Б. Н. Ельцинэнь ды Мордовия Республикань Прявтонть Н. И. Меркушкинэнь одтнэнь туртов премиятне. Любовь Фёдоровна Дергачёва истя жо казезь Мордовия Республикань правительствань Шнамо конёвсо.

Любовь Дергачёва эрзянь од поэтессанть стихензэ ютавтозь рузонь, финнэнь, венгрань, мокшонь, коминь кельтнес. Сонськак Любовь Фёдоровна ламо вийть путы лия кельстэ ютавтомань аволь шожда тевентень. Финнэнь-угрань кельтнень парсте содыцянть, американь учёноенть Джак Рютерэнь прявтсо ютавтызе финнэнь кельстэ Арто Паасилинэнь «Покштянь вешнемстэ» романонзо.

Любовь Дергачёва – 1998-це иестэ саезь Россиянь писателень союзонь член. Эри сон Дубёнкань райононь тиринь Кочкурвелесэ.

Литературась

• Писатели Мордовии : библиографический справочник : в 2 т. Т. 1. А - К / сост. А. И. Брыжинский, Л. П. Бойнова, Е. И. Чернов. - Саранск : Мордовское книжное издательство, 2015. - 536 стр. ISBN 978-5-7595-1936-2 (т. 1)
• «Чилисема», 2015, №10, С.20