Азарць тикше

Википедиясь -нь пельде
Азарць тикшесь цецямсто

Азарць тикше (лат. Hyoscyamus) — те тикшень касовкс, Пиненьбабстонь буестэ.

Касы видезь сюро юткова, парина паксява, барлак мода ланга, эмеж пирева. Кой-кува ламо - мерят прок нарушной видезь.

Кодамо те тикшесь[витнеме-петнеме | править вики-текст]

Сон аволь вишкине, касны пель метрань, косо-косо метрань серьсэ. Недьксэзэ эчке, касы видьстэ. Лопанзо келейть, пест керсезь покш пей ладсо, аламодо педицят, качады эйстэст а тантей чине. Цецянзо аштить вете лопинестэ, понаст ашо марто бутравойнь кондят, эзгаст молить фиолетовой саннымь, конадо венчикесь аламодо розовойгады.

Эмеж[витнеме-петнеме | править вики-текст]

Эмежезэ - вельтемне марто кукшуннынь кондямо коробкине-куйме, улить пейнензэ, конат кенерема малав кармить пупамо. Азарць тикшень мазый куйметнесэ налкстнить эйкакшт ды ярсакшныть сынст маконь кондят видьмест, конань эйсэ мейле пек морявкшныть, эрзякс мерить азаргадыть — те тикшесь куловтыця: лопанзояк, цецянзояк, недьксэнзэяк.

Тикшень лемтне[витнеме-петнеме | править вики-текст]

Азарць тикшентень кой-косо мерить дурак тикше.

Сёрм.:[витнеме-петнеме | править вики-текст]

  • Пурнадо лекарствань тикшеть А.Ф. Терехов, Равкуншкань краень Государственной Издательствась, Москов-Самар 1932, л.40