Юсси, Фред

Википедиясто материал - аорев содамкундосто
Юсси, Фред
эст. Fred Jüssi
Портрет
чачома чись якшамковонь 29 чи 1935(1935-01-29) (89 иеть)
Чачома тарка
Мастор
Важодема ёрокчизе зоолог, куляньсёрмадей
Тетязо Johannes Jüssi[d][1]
Авазо Elise Jüssi[d][1]
Полазо Helju Jüssi[d]
Эйкакшонзо Mari Jüssi[d], Mart Jüssi[d] ды Ivar Jüssi[d]
казнеть ды медальть
орден Белой звезды 4-го класса орден Государственного герба 3-го класса
 Фред Юсси

Юссинь Фред (эст. Fred Jüssi; 1935 якшамковонь 29 чи Аруба ош) — эстэнь биолог, натуралист ды фотокувоньтеий[2][3].

Эрямопингезэ[витнемс | витнемс лисьмапрянть]

Чачсь 1935 иестэ Аруба ошсо, Нидерландонь Антилень усиятнесэ, сонзэ тетязо тесэ важодсь венесуэлань нефтань компаниянть лангс[4]. Эстонияв семияст-буест велявсть, зярдо Юссинень ульнесь колмо иеть. Сон кассь Таллинн ошсо, косо прядызе верькс тонавтнеманзо, ды 1958 иестэ Тартунь университет, косо тонавтнесь биология ды зоология. 1958 иестэ 1960 ие видс важодсь тонавтыцякс школасо Хийумаа усиянь Эммасте буесэ, 1962—1975 иетнестэ  — пертьпельксэнь кородыця инспекторокс[4], мейле — Эстэнь радиосо, тесэ Юсси 1976 иестэ 1986 иес вети «Азбука природы» пачтямокерьксэнть (эст. Looduse aabits, 1980 ие видс — эст. Linnuaabits, руз. «Птичья азбука»)[4]. 1990-це иень васенце пельксэнть ульнесь Эстэнь пертьпельксэнь фондонть (англ. Estonian Nature Fund) президентэкс.

1980 иетнестэ ульнесь ломантнень эйстэ вейке, кона тешкстызе «Нилиньгемень Сёрма» конёвонть.

Юсси вейке, сех содавиксэв эриця пертьпельксэнь меленть сравтыцякс ютксо Эстониясо[5]. Сёрмадсь ламо кирьяньпусмот, сёрмадовкст, пачтямокерькст. 1989 иестэ сон васенце кинень ульнесь максозь Кумаринь Эрикень лемсэ Казнесэ.

Ульнесь полань вакссо, куляньсёрмадыцянь ды ютавтыцянь Юсси Хельюнь марто. Кона кулось 2006 иестэ панжиковонь 28 чистэ. Сынсть колмо пакшат — Юсси Мари (эколог), Юсси Ивар (зоолог) ды Юсси Март (эколог ды вийкирдий).


Важодевксэнзэ[витнемс | витнемс лисьмапрянть]

  • «Kajakad kutsuvad» (руз. «Зов чаек», 1966)
  • «Eesti linde ja loomi» (руз. «Птицы и животные Эстонии», 1977)
  • «Rebasetund» (руз. «Час лисы», 1977, 1981)
  • «Jäälõhkuja» (руз. «Ледокол», 1986, 2007)
  • «Räägi mulle rebasest» (руз. «Расскажите мне о лисах», 1987, 2006)
  • «Sügis» (руз. «Осень», 1995) — фотопусмо
  • «Eestimaa looduse hääled» (руз. «Звуки природы Эстонии», 1997, 1998) — CD-плаштине
  • «Lahemaa lindude hääli» (руз. «Голоса птиц Лахемаа», 1997) — CD-плаштине
  • «Eesti laululinde» (руз. «Певчие птицы Эстонии», 2001) — CD-плаштине
  • «Mister Fred» (вейсэ Оттонь Урмасонь марто, 2009)

Казне[витнемс | витнемс лисьмапрянть]

  • 1984 — Eesti Eluteaduse Hoidja казне
  • 1989 — Кумаринь Эрикэнь лемсэ казне
  • 1997 — (руз. премия «Возрождение Эстонии», эст. Eesti Taassünni auhind)
  • 1998 — (руз. Орден Белой звезды IV класса)
  • 2006 — (руз. Орден Государственного герба III класса)


Лисьм.[витнемс | витнемс лисьмапрянть]

  1. 1,0 1,1 Alaküla A. Kes on kes? Eesti 2000 (эст.)Tallinn: 2000. — 271 л. — ISBN 978-9985-60-789-3
  2. The Environment Encyclopedia and Directory 2001. — Europa Publications, 2001. — P. 500. — ISBN 1-85743-089-1.(англ.)
  3. Pilgrim Books. Ваннозь 8 Чадыковонь 2016.(англ.)
  4. 4,0 4,1 4,2 Nõmm, Andre (2006). «Fred Jüssi äratav õpetus» Архивировазь 3 Чадыковонь 2016 иестэ.. GO Travel (эст.)
  5. Tüür, Kadri (2001). «On Estonian nature writing». Estonian Literary Magazine (англ.)