Нуянь Видяз

Википедиясто материал - аорев содамкундосто
Нуянь Видяз
чачома лем Евгений Владимирович Четвергов
чачома чись эйзюрковонь 30 чи 1934({{padleft:1934|4|0}}-{{padleft:3|2|0}}-{{padleft:30|2|0}}) (89 иеть)
Чачома тарка
Мастор
Важодема ёрокчизе сёрмадей, куляньсёрмадей, редактор
 Нуянь Видяз

Нуянь Видяз[1] (руз. Четвергов Евгений Владимирович) (Эйзюрковонь 30 чи 1934 ие Тумобуе) — советэнь учёной-агроном, эрзянь сёрмадей, прявтредактор «Эрзянь Мастор» кулялопанть (1994 иень ацамковсто саезь 2016 иень аштемковонь видс)[2].

Эстедензэ[витнемс | витнемс лисьмапрянть]

Чачсь 1934 иень Эйзюрковонь 30 чистэ Мордовия АССР-нь Тумобуень Орданьбуе эрзянь велесэ. Тумобуень (Дубинкань) куншка школань прядомодо мейле (1952) важоди Од ломаннеь Максим Горькиень лемсэ театрасо сценань важодицякс (Бакусо) ды чачома велесэнзэ - клубонь прявтокс (1953-1954-це иетнестэ). 1959-1959 иетнестэ Пензань велень хозяйствань институтонь агрономия факультетэнь студент.

Кото иеть ульнесь «паксняь азорокс», агрономокс Ордань ды Ковылкань буень келей-покш вейсхозтнесэ. Колоньгеменде ламо иеть эрямозо сюлмавозель Мордовиянь Ораёвонь лемсэ университетэнть марто: аспирант, ассистент, тонавтыця, доцент. Велень хозяйствань наукатьнень кандидат. Нолдась ведьгеменде[1] ламо статьят, книгат, вейке изобретениянь соавтор. Тонавтомань интересэнзэ: модань паролгавтома ды сюронь кастома, сюронь ванстома зыян тикшетнеде ды унжатнеде-сукнэде (насекомойтнеде).

Сёрмадовксонзо[витнемс | витнемс лисьмапрянть]

«Эрзянь Мастор» кулялопанть нолдыцянзо: прявтвитницязо - Нуянь Видяз (кершёно), Эрзянь Келень Идема Фондонть прявтось - Кшуманцянь Пиргуж (витьёно)

80-це иетнень эйстэ саезь сёрмалесь «Сятко» , «Чилисема», «Сибирские огни» ковставкснессэ. Лисcть истят коневпусмонзо (книганзо):

  • «Сиреневая луна» (1989)
  • «Велень вайгельть» (1992)
  • «Сырнень човалят» (1995)
  • «Иень тюст» (2003)
  • «Янгамо» (2006)
  • «Эрзянь Масторонть седейсэ. Имена их бессмертны» (2007)
  • «Где цветет чистодуш?» (2009)
  • «Эрязденть арсезь» (2010)
  • «Ванине» (2011)
  • «Тесэ ды Тосо» (2013)
  • «Финно-угры в русском языке: топонимо-этимологический словарь финно-язычных, угорских и селькупских слов, вошедших в лексику русского языка»[3] (2015)

Эрзянь сёрмадоманть кисэ, ды «Янгамо» конёвпусмонть кисэ ульнесь теезь Литературной казень 2009 иень Лауреатокс[4].

Ванодо[витнемс | витнемс лисьмапрянть]

Сёрм.:[витнемс | витнемс лисьмапрянть]

  • «Чилисема», 2013 ие, №4
  1. 1,0 1,1 Библиотека Мордовской литературы. Четвергов Евгений Владимирович Архивировазь 20 Ожоковонь 2020 иестэ. (руз.)
  2. «Эрзянь Мастор». ТЕЧИ «ЭРЗЯНЬ МАСТОР»-СЬ ЛИССЬ 500-ЦЕДЕ! 503-це № 30.06.2017 Архивировазь 13 Умарьковонь 2020 иестэ.(руз.)
  3. ЯЗЫК ДО ЧУДИ, ВЕСИ, МЕРИ, МЕЩЁРЫ, МУРОМЫ (= ЭРЗИ), КОРЕЛЫ ДОВЕДЁТ Архивировазь 9 Ацамковонь 2018 иестэ. (руз.)
  4. Лауреаты литературной премии. Программы родственных народов Эстонии и Ассоциация финно-угорских литератур (руз.)