Пургаз

Артовкс:Purgaz.jpg

Малышев П. Инязор Пургаз

Инязор Пургаз — эрзянь Инязорось Эрзянь Масторонь прявт XIII-це пингестэнть. Раськень Ине ушман эрзянь раськенть. XIII пингенть ушодомастонть Пургаз ульнесь Эрзянь Масторонь прявтокс, конань эрямонь сермадыцятьне (летописецтне) лемдильть Пургазонь Русекс.

Васенцеде Инязоронь Пургазононть лемензе лецтневи 1229 иесте, кода овладимерень-суздалень инязорось Юриесь Эрзянь Масторонть лакс якась.

Кода сермады Юрченков В.А. эсинзе книгасонзо "Эрзя ды Мокша кезерень ды неень шкатнесте" (1999):

«пек стака шкакс ульнесь XIII пингень ушодксось … эрявсь истямо ломань, конанень кемевельть, арсеманзо, мереманзо топавтовольть, мельганзо куш ков сыргавольть. Самай истямокс кармась улеме Пургаз – превей, сюбав ойме, кеме обуця, икелев неиця».

Прядомасонть Юрченковось В.А. сёрмады:

«Весе ёвтазесь ливтизе-аравтызе Пургаз Инязоронть… раськень васенце героекс».

Инязор Пургазонть чачонзо пек парсте невтезь Егоровонь В.Ф. "Возмездие" поэмасонзо ды "Пургаз" историянь романсонть эрзянь раськень сермадеесь Абрамовонь К.Г., кона ютавтозь рузонь кельсгак.