Бахтин, Михаил Михайлович

Википедиясто материал - аорев содамкундосто
Артовкс
Пол эли гендер цёраломань[d][1]
Ошеряйши
Чачома чи 5 (17) сундерьковонь 1895[2][3]
Чачома тарка
Кулома чи эйзюрковонь 7 чи 1975(1975-03-07)[1][2][5][…] (79 иеть)
Кулома тарка
Калмамо тарка
Язык письменных произведений Рузонь кель
Тев теят философсь, келеньсодый, сёрмадей, литературонь критиксь, историк литературы, учёный-литературовед, теоретик искусства
Область деятельности Эрямо койтнень содамось
Работодатель
Учебное заведение
Учёная степень Ошибка Lua в package.lua на строке 80: module 'Module:Wikidata/P512' not found.
Тонафнесь Томсон, Александр Иванович[d]
Школа (движение) западная философия[d]
Испытал влияние от Достоевский, Фёдор Михайлович, Вячеслав Иванович Иванов[d], Мейер, Александр Александрович[d], Русская религиозная философия[d], Иммануил Кант ды Фридрих Ницше
Эра современная философия[d]
 Михаил Михайлович Бахтин

Бахтин Михаил Михайлович, литературовед, лингвист, философ.

Эрямо пингезэ[витнемс | витнемс лисьмапрянть]

Чачсь Орёл ошсо 1895-це иень сундерьковонь 4-це чистэ. Сышкань содыдеесь (учёноесь) тонавтнема кинзэ ушодызе Орёл ошонь гимназиятнестэ вейкесэнть, поладызе Вильно ошсо ды прядызе гимназиянь курсонзо Одессасо 1913-це иестэ. Секе иестэнть саезель Новороссийской (Одессань) университетэнь историко-филологической факультетэнь классической куронь 1-це курсос. 1916-це иестэ поладызе тонавтнеманзо Петербургонь университетсэ. Котьмась классической ды рузонь филологиясо, А. И. Введенской профессоронть кедь ало ламо мель явсь философиянтень. 1918-це иестэ университетсэ тонавтнеманть прядомадо мейле тусь Витебской губерниянь Невель ошов (ней Псковонь ёнкс). Важодсь тонавтыцякс 2-це ступенень вейкине (единой) трудонь школасо ды тонавтыцянь семинариясо; тейсь «Кантонь семинар» («Кантовский семинар»), косо вейсэндявсть тосконь (местной) интеллигенциянь икелепелев ваныцят-арсицят (М. И. Каган, Л. В. Пумпянский, М. В. Юдина пианисткась ды лият). 1920-це иестэ саезь – Витебскойсэ. Тонавтсь всеобщей литература тосконь пед. институтсо. Ловнось музыкань историянь ды теориянь коряс лекцият консерваториясо, ветясь публичной лекцият клубсо, воинской частьсэ, народной университетсэ ды лиясо косо. Паро мельсэ яксесь од ломанень литературань студиява. «День искусства» (1919-це ие) невельской альманахсо нолдась «Искусство и ответственность» статья. Витебск ошсо важодсь Ф. М. Достоевскойде книга лангсо ды истя жо «К философии поступка» исследования лангсо, конань пельксэкс ульнесь неень шкасто содавикс «Автор и герой в эстетической деятельности» апак прядо трактатось. 1923-це иень прядовомсто велявтсь Петроград ошов, косо анокстызе печатамс «Проблемы творчества Достоевского» (Л., 1929) книганть. 1928-це иень ацамковонь 24-це чистэ ульнесь арестувазь, чумондозь «Воскресение», марят, контрреволюционной организациясонть улемасо ды кучозь Кустанай ошов. Тесэ, экономистэкс-бухгалтерэкс роботазь, прядызе «Слово о романе» исследованиянзо, важодсь «Рабле в истории реализма» диссертациянть лангсо. Ссылкадо мейле 1936-це иень ацамковсто саезь тонавтсь А. И. Полежаев лемсэ МГПИ-нь филологиянь факультетсэ. 1937-це иестэ тусь эрямо Савёлово ошов (Москов маласо). 1945-це иень умарьковсто саезь 1961-це иень сёксес тонавтсь МГПИ-сэ (1957-це иестэ саезь – университет), ульнесь рузонь ды зарубежной литературань кафедрань прявт. Саран ошсо печатьс анокстынзе «Проблемы поэтики Достоевского» (М., 1963), «Творчество Франсуа Рабле и народная культура средневековья и Ренессанса» (М., 1965) книгатнень. Сехте покш мель Бахтин явсь философской литературоведениянтень, гуманитарной арсемантень. Достоевскойде ды Рабледе монографиятнесэ, «Слово о романе», «Роман воспитания и его значение в истории реализма», «Формы времени и хронотопа в романе», «Из предыстории романного слова», «Эпос и роман» ды лиятнесэ сон ваннось валонть. Сонзэ шкинемань тевсэнзэ сехте прявт идеясь – диалогто келей тонавтома (развёрнутое учение о диалоге). «Формы времени и хронотопа в романе. Очерки по исторической поэтике» важодемазо кандови 1937 – 38-це иетненень. Эйсэнзэ сон васенцекс совавтсь наукас «хронотоп» категория. Сон эрьва ёндо ваннызе народной ракамонь (смеховой) культурань эстетической каегориянть («Творчество Франсуа Рабле и народная культура средневековья и Ренессанса»), аштесь ломанде истямо арсеманть лангсо, косо сон (ломанесь) мирсэнть-масторсонть вейкине сюпавчи. Ютынзе Кантонь, Гегелень, Шеллингень философиянь арсемань школатнень, ансяк эзь сырга сынст киява, эзизе прима тонавтомаст, косо прок ёмавтовсь ломанесь. 1920-це иетнень ушодовомсто В. С. Соловьёвонь, П. А. Флоренскоень, Г. П. Федотовонь, Л. П. Карсавинэнь, Н. А. Бердяевень, И. А. Ильинэнь марто диалогсо бажась муемс духовной касомань эсензэ кинть ды прянь ветямо лувонть. Сон кемсь: «Нет ни первого, ни последнего слова и нет границ диалогическому контексту… Нет ничего абсолютно мёртвого: у каждого смысла будет свой праздник возрождения» (Эстетика словесного творчества, М., 1979. С.373). Кулось Московсо 1975-це иень эйсюрковонь 6-це чистэ.

Сочиненият[витнемс | витнемс лисьмапрянть]

  • Вопросы литературы и эстетики : иссл. разных лет. М., 1975;
  • Эстетика словесного творчества. М., 1979 ; 1986 ;
  • Литературно-критические статьи. М., 1986 ;
  • Беседы Д. В. Дувакина с М. М. Бахтиным. М., 1996 ; 2001 ;
  • Тетралогия. М., 1997.

Литературась[витнемс | витнемс лисьмапрянть]

  • Кожинов В. Михаил Михайлович Бахтин : краткий очерк жизни и деятельности / В. Кожинов, С. Конкин / / Проблемы поэтики и истории литературы. Саранск, 1973;
  • Бахтинский сборник. М., 1991 – 2000. Вып. 1 – 4;
  • Конкин С. С. Михаил Бахтин : Страницы жизни и творчества / С. С. Конкин, Л. С. Конкина. Саранск, 1993;
  • Бахтин в зеркале критики, М., 1995;
  • Мордовия : энц. Саранск, 2003. Т. 1.
  • Мордовия, XX век: культурная элита. Саранск, 2013. Ч. 1.

Лисьмапрят[витнемс лисьмапрянть]

  1. 1,0 1,1 Bibliothèque nationale de France идентификатор BNF (фр.): اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых даных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform, платформаи додаҳои боз, ачык кӧргӱзӱлердиҥ платформазы, гом бæрæггæнæнты платформæ — 2011.
  2. 2,0 2,1 Encyclopædia Britannica (англ.)
  3. Литераторы Санкт-Петербурга. ХХ век (руз.) / под ред. О. В. Богданова
  4. Бахтин Михаил Михайлович // Большая советская энциклопедия (руз.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  5. Энциклопедия Брокгауз (нем.) / Hrsg.: Bibliographisches Institut & F. A. Brockhaus, Wissen Media Verlag
  6. Deutsche Nationalbibliothek Record #118505653 // Общий нормативный контроль (GND) (нем.) — 2012—2016.

https://ru.wikipedia.org/wiki/%D0%91%D0%B0%D1%85%D1%82%D0%B8%D0%BD,_%D0%9C%D0%B8%D1%85%D0%B0%D0%B8%D0%BB_%D0%9C%D0%B8%D1%85%D0%B0%D0%B9%D0%BB%D0%BE%D0%B2%D0%B8%D1%87 http://hrono.ru/biograf/bio_b/bahtinmm.php https://www.krugosvet.ru/enc/istoriya/BAHTIN_MIHAIL_MIHALOVICH.html https://w.histrf.ru/articles/article/show/bakhtin_mikhail_mikhailovich Архивировазь 14 Ацамковонь 2019 иестэ. http://az.lib.ru/b/bahtin_m_m/ https://runivers.ru/philosophy/lib/authors/author106382/ https://imwerden.de/razdel-322-str-1.html http://pomnipro.ru/memorypage6926/biography http://lib.cerkov.ru/authors/1313 https://ru.wikiquote.org/wiki/%D0%9C%D0%B8%D1%85%D0%B0%D0%B8%D0%BB_%D0%9C%D0%B8%D1%85%D0%B0%D0%B9%D0%BB%D0%BE%D0%B2%D0%B8%D1%87_%D0%91%D0%B0%D1%85%D1%82%D0%B8%D0%BD https://megabook.ru/article/%D0%91%D0%B0%D1%85%D1%82%D0%B8%D0%BD%20%D0%9C%D0%B8%D1%85%D0%B0%D0%B8%D0%BB%20%D0%9C%D0%B8%D1%85%D0%B0%D0%B9%D0%BB%D0%BE%D0%B2%D0%B8%D1%87 http://www.philol.msu.ru/~tezaurus/library.php?view=d&course=3&pers=1&label=%C1&name=%C1%E0%F5%F2%E8%ED%20%CC%E8%F5%E0%E8%EB%20%CC%E8%F5%E0%E9%EB%EE%E2%E8%F7