Татьяничева Людмила Константиновна

Википедиясто материал - аорев содамкундосто
Перейти к навигации Перейти к поиску
Татьяничева Людмила Константиновна
чачома чись 6 (19) ацамковонь 1915
Чачома тарка
Кулома чись чадыковонь 8 чи 1980(1980-04-08) (64 иеть)
Кулома тарка
Мастор
Важодема ёрокчизе сёрмадей, валморозей
казнеть ды медальть
орден Октябрьской Революции орден Трудового Красного Знамени орден «Знак Почёта»

Татьяничева Людмила Константиновна, валморонь ладсий.

Эрямо пингезэ[витнемс-петнемс | витнемс-петнемс лисьмапрянзо]

Чачсь неень Мордовия Республикань Ардатов ошсо 1915-це иень ацамковонь 6-це чистэ. М.Горькой лемсэ РСФСР-нь Государственной премиянь лауреат (1971-це ие). Тетянзо-аванзо куломадо мейле кармась эрямо Мордовиянь Чаунзабуень Хлыстовка велесэ (ней – Отрадное). 1925-це иестэ саезь эрясь Свердловск ошсо, тонавтнесь Свердловонь цветной металлонь институтсо. 1934-це иестэ комсомолонь путёвкава тусь Магнитогорск ошов, важодсь «Магнитогорский рабочий» газетасо. Ялгакснесь Б. Ручьёв, А. Авдеенко ды лия сёрмадей марто. 1941-це иестэ прядызе М. Горькой лемсэ Лит. институтонть. Эсь валморотнесэ шнась фронтонь ды тылэнь геройтнень, тердсь тюреме ятонть каршо («Пусть не в меня в прямом бою…», «Вдали от синих гор Урала…» ды лият). Войнадо мейлень произведениясонзо невтезь советэнь ломантнень тевест, паро ёнксост, раськетнень ютксо ялгаксчись, сэтьмечинть кисэ аштемась. Сонзэ шкинемасонть неявикс образтнэстэ вейкесь – Родинань образось («Байкал», «И в самом обычном наряде…», «Как много может сделать человек…» ды лият). Чевтеть, парт вечкемадо стихотворениянзо («У русских женщин есть такие лица…», «Строгая…» ды дият). Зярыя иеть Татьяничева важодсь Челябинской книжной издательствань прявтокс, ветясь областень сёрмадеень организациянть. Ульнесь национальной литературатнень коряс РСФСР-нь Сёрмадеень вейсэндявксонь правлениянь секретарекс (1965 – 80-це иетне). Аволь весть сакшнось Мордовияв, алтнесь тензэ валморот. Л. К. Татьяничевань валонзо лангс Г. Г. Вдовин сёрмадсь колмо монологт сопранонь ды симфонической оркестрань туртов («Плавучие острова», «Сон-трава», «Гори, гори ясно», 1969-це ие). Кулось Москов ошсо 1980-це иень чадыковсто.

Сочиненият[витнемс-петнемс | витнемс-петнемс лисьмапрянзо]

Избр. произв. : в 2 т. М., 1976 ; Собр соч. : в 3 т. М., 1985 ; Область личного счастья. Свердловск, 1989.

Литературась[витнемс-петнемс | витнемс-петнемс лисьмапрянзо]

  • Синельников М. Надёжное слово / / Знамя. 1961. № 7 ;
  • Ханбеков Л. Судьба – это мы : очерк творчества Л. Татьяничевой. Челябинск, 1984 ;
  • Мордовия : энц. Саранск, 2004. Т. 2 ;
  • Ардатов: история и современность. Саранск, 2007 ;
  • Мордовия, XX век: культурная элита : энциклопедич. справ.: в 2 ч. Ч. 2.

Лисьмапрят[витнемс-петнемс лисьмапрянзо]

https://ru.wikipedia.org/wiki/%D0%A2%D0%B0%D1%82%D1%8C%D1%8F%D0%BD%D0%B8%D1%87%D0%B5%D0%B2%D0%B0,_%D0%9B%D1%8E%D0%B4%D0%BC%D0%B8%D0%BB%D0%B0_%D0%9A%D0%BE%D0%BD%D1%81%D1%82%D0%B0%D0%BD%D1%82%D0%B8%D0%BD%D0%BE%D0%B2%D0%BD%D0%B0

https://poezosfera.ru/zabytye-imena-lyudmila-tatyanicheva-1915-1980-2.html

http://litkarta.chelreglib.ru/persons/writers/tatyanicheva-lyudmila-konstantinovna/

http://www.chodb.ru/chest/tatyanicheva-l-k.php

https://yandex.ru/images/search?

https://yandex.ru/turbo?text=https%3A%2F%2Fallforchildren.ru%2Fpoetry%2Fauthor305-tatianicheva.php

https://www.stihi.ru/2010/11/13/7006

http://www.libozersk.ru/pages/index/717