Московонь метрополитенэсь

Московонь метрополитенэсь (лиякс мосметро) — московонь модапотмонь электрической кшнинь киланго. Сех покш метрополитенэсь Чилисемань Европасо ды ютазь Советэнь Вейсэндявксэ.

Течи московонь метрополитенсэнть улить 14 модапотмонь тарадт, 271 аштема таркат ды вейсэнь кувалмозо 466,62 вайгельбеть. Средней метрось чинь-вень перть ускси 6,6 млн. пассажирт, оймсема читнестэ чинь-вень перть — 7 млн. 2009-це иестэ метрось пачтясь 2 392 200 000 пассажирт. Пикень чассто ардтниця кшниулавтнэ якить сехте аламо ютко шка марто — 90 секундат.

Метронь васенце кись панжозель 1935 иень панжиковонь 15-це чистэ. Мольсь те метронть килангозо "Сокольники" станциясто "Парк культурас" ды "Смоленская" станциятнес.