Мишанина, Валентина Ивановна

Википедиясто материал - аорев содамкундосто
Перейти к навигации Перейти к поиску
Мишанина, Валентина Ивановна

К:Википедия:Статьи без изображений (тип: не указан)

Мишанина Валентина Ивановна – мокшонь прозаик, драматург, Мордовия Республикань заслуженной писатель.

Эрямо пингезэ[витнемс-петнемс | витнемс-петнемс лисьмапрянзо]

Мишанина Валентина Ивановна чачсь 1950-це иень сундерьковонь 20-це чистэ МордорвияньКадошкина буень Адаж велесэ. 1968-це иестэ, зярдо сон прядызе средней школанть, тердизь Саранов. Илья Максимович Девин мокшонь содавикс поэтэсь, конань мельс тусть Валентинань, сесэ школасо тонавтницянть, стихензэ, пачтясь тензэ, келя, анокстави мокшонь ды эрзянь од ломанень группа, кона кучови Московов, М. Горькой лемсэ литературной институтов тонавтнеме, бути ули мелеть, совавттадызь эйзэнзэ. Тейтересь отказамо эзь карма.

Литинститутось од сёрмадыцянтень макссь ламо. Чарькодеви, бути эсеть седейсэ арась сёрмадомань сяткине, покш писателекс а касат. Валентинань седейсэ сон ульнесь, секскак шкань ютазь сяткинестэнть кирвазсь толнэ. Литинститутонь виев педагогтнэ ды сонсь эрямось ламо мезес тонавтызь тейтеренть. Шкань ютазь кемекстасть шканть лангс вановтонзо.

Шкинемазо[витнемс-петнемс | витнемс-петнемс лисьмапрянзо]

Сёрмадомасо виензэ варчинзе кавксоце классо тонавтнемстэ. Васня сёрмадсь стихть. Эйстэст кавтотне лиссть «Мокша» журналонь «Якстерь тяштеня» путовкскесэнть (приложение). Те пек кенярдовтызе тейтерьканть. Стихензэ шнась Илья Девин поэтэськак.

Нилеце курссо тонавтнемстэ лиссь «Кинть ушодксозо» васенце книгазо, кона алтазель эйкакштнэнень. Теде мейле сынест жо сёрмадсь «Сиянь ракакудыне» ёвтнемань пусмо, «Пингень ортат» повесть. Повестенть эйсэ сон ёвтни эсь эрямодонзо. Сёрмады покштнэнь туртовгак ёвтнемат, пьесат.

В. И. Мишанинань произведениянзо лиснесть Московсояк. «Сиянь ракакудне» книгазо нолдазь Таллинсэ эстэнь кельсэ. Шкинемазо тонавтневи школасо.

В. И. Мишанина кувать важодсь «Мокша» журналсо отделэнь прявтокс, мейле ульнесь Мордовия Республикань сёрмадеень вейсэндявксонь прявтонь полавтыцякс. Ней сон – Эрзямокшонь раськень драмань театрасо литдрампельксэнь прявт. Меельце шкастонть седе ламо сёрмады пьесат, конат путневить раськень драмань театрань сцена лангсо.

Сонзэ шкинеманзо а човорясак лия сёрмадыцятнень марто. Произведениянзо ловномсто, сцена лангсто пьесанзо ваномсто сеске чарькодьсак: те неень шкань автор, конань ули эсензэ вановтозо эрямонть лангс. Сон а пели ёвтамо мелензэ асатыкстнэде, чопода тевтнеде. Обуцянь истят ёнкстнэ ладить ансяк алкуксонь писательнень.

В. И. Мишанина – финнэнь М. А. Кастренэнь вейсэндявксонь литературной паремиянь (2005-це ие), Мордовиянь Ленинской комсомолонь премиянь (1986) лауреат, 1977-це иестэ саезь – СССР-нь писателень союзонь член. Сон – раськеютконь финнэнь-угрань писателень ассоциациянь вице-президент.

Литературась[витнемс-петнемс | витнемс-петнемс лисьмапрянзо]

  • Мордовия, XX век: культурная элита : энциклопедич. справ.: в 2 ч. Ч. 1 : А - М / ред. совет: В. А. Юрчёнков (пред.) [и др.] ; редкол.: Т. М. Гусева, А. Юрчёнков (отв.редакторы) [и др.] ; НИИ гуманитар. наук при Правительстве Республики Мордовия. - Саранск, 2010. - 416 с. : 32 с. ил. - (Мордовия. XX век)

ISBN 978-5-900029-71-9 (ч. 1) ISBN 978-5-900029-70-2

  • Писатели Мордовии : библиографический справочник : в 2 т. Е. 2. Л – Я / сост. : А. И. Брыжинский, Л. П. Бойнова, Е. И. Чернов. – Саранск : Мордовское книжное издательство, 2015. – 544 с. ISBN 978 – 5 – 7595 – 1938 – 6 (т. 2)
  • «Чилисема», 2010, №10, С.22

Лисьмапрят[витнемс-петнемс лисьмапрянзо]

https://ru.wikipedia.org/wiki/%D0%9C%D0%B8%D1%88%D0%B0%D0%BD%D0%B8%D0%BD%D0%B0,_%D0%92%D0%B0%D0%BB%D0%B5%D0%BD%D1%82%D0%B8%D0%BD%D0%B0_%D0%98%D0%B2%D0%B0%D0%BD%D0%BE%D0%B2%D0%BD%D0%B0 https://www.livelib.ru/author/576716-valentina-mishanina https://yandex.ru/images/search?text=%D0%BC%D0%B8%D1%88%D0%B0%D0%BD%D0%B8%D0%BD%D0%B0%20%D0%B2%D0%B0%D0%BB%D0%B5%D0%BD%D1%82%D0%B8%D0%BD%D0%B0%20%D0%B8%D0%B2%D0%B0%D0%BD%D0%BE%D0%B2%D0%BD%D0%B0&stype=image&lr=42&source=wiz http://www.finnougoria.ru/logos/drama/1394/13877/ https://www.wikiwand.com/ru/%D0%9C%D0%B8%D1%88%D0%B0%D0%BD%D0%B8%D0%BD%D0%B0,_%D0%92%D0%B0%D0%BB%D0%B5%D0%BD%D1%82%D0%B8%D0%BD%D0%B0_%D0%98%D0%B2%D0%B0%D0%BD%D0%BE%D0%B2%D0%BD%D0%B0 http://www.vsar.ru/20348_natsionalnyy_teatr_pokajet_doch_nekreshhenogo_mordvina