Лебедева, Софья Сергеевна
| Лебедева, Софья Сергеевна | |
|---|---|
| чачома чись | 1928 |
| Чачома тарка | |
| Кулома чись | 1962 |
| Кулома тарка | |
| Мастор | |
Софья Сергеевна Лебедева (чачсь 1928, Ленинград ош — кулось 1962 Саран ош) — Республика Мордовиянь С.Д.Эрьзянь лемсэ артомань музеенть васенце прявтось. Васняяк музеентень совавтозель кеврунгонь теицянь ды чувтосто керсицянь- Эрьзянь - шкинемазо. Се шкане Эрьзя ульнесь седе содавикс омбомасторга, тосо тензэ мерильть "Рузонь Роден" (руз. «Русский Роден»).
Эрямопингезэ
[витнемс | витнемс лисьмапрянть]Софья Сергеевна чачсь 1928 иестэ в Ленинград ошсо. Вишкапингезэ сась блокада лангс, те седе тов пек лавшомгавтызе тейтерьканть шумбрачинзэ. Тетянзо-аванзо блокадасо куломадо мейле ускизь ошстонть Эрямонь Киява эвакуацияв.
Ойнадо мейле сэредсь гипертониясо ды врачтнэ мерсть тензэ муемс седе паро перть-перлькс марто эрямо тарка. Софья сестэ уш прядокшнызе Ленинградонь художествань Академиянть ды секс кочкизе Саран ошонть, самай тосо се шкане пурнасть Эрьзянь музей. Тензэ, кода од важодицянень, алтазель эрямотарка.
Музеенть панжомазо
[витнемс | витнемс лисьмапрянть]Софья Сергеевна эзь пельть саеме эсь лангс те покш важодеманть: од музеенть тееманзо асодавикс ошсо. Тесэ эрявсь смелчиськак: 1950 иетнень видс Эрьзядо кортамось ульнесь кардазь, секс мекс сон эрясь омбомасторсо ды СССРсэ сонзэ лангс вансть уш икелепелев авадрясто.
Музеенть вачкамо ушодомакс ловови 1958 иень аштемковонь 26 чись, панжомачись — 1960 иень якшамковонь 10 чись. Васенце лемезэль Мордовская республиканская картинная галерея имени Ф. В. Сычкова.
Софья Сергеевнань акувака эрямозо кадсь содавикс тешкс Мордовия республикань историясо, сонзэ эрямопингень тевезэ ней ашти республикань визитной конёвокс.
2002 иестэ Республика Мордовиянь Правительствась ловизе музеенть кудонть вейкекс сехте питней мокшэрзянь культурань наследиянь объектнэнь эйстэ.
[1].
Музейстэ туемазо
[витнемс | витнемс лисьмапрянть]Алтазь эрямотарканть эзизь максо. Софья Сергеевна эрясь то гостиницасо, то Валериана Борисовна Смирновань архивсэ важодицянь кедсэ, васенце этажонь вишка нупальсэ Ленинэнь проспектэнь № 33 кудосо. Валериана Борисовна седе тов сёрмады Софья Сергеевнань эрямопингензэ ланга сёрмадовкс.
Окойники максозельть ярмакт служебной кудонь вачкамонень музеень важодицятнень туртов. Ансяк 1962 иестэ Софья Сергеевнань туевтизь музеень прявттаркасто
самай те кудонь лангс ламо ярмаконь ютавтомань кисэ. Тарказонзо путозель од прявт — В. В.Еделькин. Тень лангс апак вано сон свал пшкалесь Софья Сергеевнанень лездамс тензэ, искусствань ветямось эзь ульне сонзэ вадожемакс, музеень прявтокскак ульнесь а кувать - 2 иеть.
.JPG)
Куломазо
[витнемс | витнемс лисьмапрянть]1962 иень ожоковсто Софья Сергеевнань ускизь больницяв. Врачтнэ путсть тензе гипертонический криз диагнозонть. Ульнесь таргочи, пичкамо лувонть кочкамозо стакалгадсь Софья Сергеевнань пешксесэ улемасонть. Теке шкане ёжозо бойкасто беряньгадсь. Од авась кулось 34 иесэ.
Калмизь Васенце леменькундамо Саран ошонь калмазырьсэ, Степан Эрьзянь калмодонзо трокс аштезь. Калмонть мельга неень шкане ваныть музеень важодицятне.
Лецнемазо
[витнемс | витнемс лисьмапрянть]Софье Сергеевне посвящена биографическая статья в альманахе «Феникс» за 2009, автор Валериана Борисовна Смирнова - Мордовиянь содавикс краевед ды лектор алтась Софья Сергеевнанень эрямопингедензэ сёрмадовкс, конась печатазель «Феникс» ловномапусмосо 2009 иестэ.
Софьи Сергеевнань лемезэ свал лецневи "Эрьзянь ловномасо", конат ютыть музейсэ.
Марат Семенович Шанин артыцясь артокшнызе Софья Сергеевна Лебедевань чамарунгонзо.
Сёрмадовксонзо
[витнемс | витнемс лисьмапрянть]Артыцянь невтелмань, конась панжозель 1961 иень ожоковонь 15 чиcтэ Саран ошсо Советэнь Кудосо, каталогонь икельце вал. Невтелмась алтазель КПССэнь XXII-це пурнавомантень
Ссылкат
[витнемс | витнемс лисьмапрянть]- Официальный сайт музея
- https://stolica-s.su/culture/artanddesign/243854 Архивировазь 23 Эйзюрковонь 2020 иестэ.
- https://stolica-s.su/culture/artanddesign/18570
- http://erzia-museum.ru/ru/novosti/nauchno-prakticheskaya-konferenciya/
- Биография, иллюстрации Архивировазь 6 Сундерьковонь 2002 иестэ.
- Международный фонд искусств имени Степана Дмитриевича Эрьзи
- Мордовский республиканский музей изобразительных искусств им. С. Д. Эрьзи
- Новости культуры. Эфир от 03.02.2015 года. Открытие мемориальной доски в честь Степана Эрьзи Архивировазь 1 Ожоковонь 2016 иестэ.
- Телеканал «Россия — Культура». Русский музей подготовил экспозицию к 140-летию со дня рождения Степана Эрьзи. Эфир от 16.06.2016 (видео) Архивировазь 18 Аштемковонь 2016 иестэ.
Сёрмадовкст
[витнемс | витнемс лисьмапрянть]- ЛопаПарцун:БСЭ2
- Полевой Б. Н. С. Эрьзя // Биографические повести. — М.: Сов. писатель, 1977. — 320 с. — 100 000 экз.