«Колмо штатолт» (моро)
(Одов кучозь Колмо штатолт-стэ)
«Колмо штатолт» — те эрзянь моро.
Валтнэ: М. Кемаль.
Седямось: Йовлань О.
Колмо штатолт Пазонтень кирвазтян,
Шумбра кши ды сал Шкинентень путан.
Инзей ведь чувтонь покш кечес каян,
Цяпор тикшень тансть кудовам сувтан.
Ве штатолось тиринь авам кисэ,
Омбоцесь — Эрзянь мастором кисэ,
Колмоцесь сонгак валдсто палозо
Путса вечкемам-сэредьксэм кисэ.
Верев ёртсынь кавто ашо кедем,
Сюконямсто вейс мендясынь суром.
Паряк несы Пазось сюконямом
Марясы пешти седеень мором.
Колмо штатолт Пазонтень вельмевтян
Колмонь кисэ Инешкинтень пшкадян
Колмонь кисэ бути лети-сави
Апак янксе тюжа сёвоньс мадян.