Бибина, Татьяна Николаевна

Бибина, Татьяна Николаевна
чачома чись	1939
Чачома тарка	Целпанова, Отяжеле велесь, Мордовиянь Автономной Советэнь Социалистической Республикась[d], Российянь Советэнь Федеративной Социалистической Республикась[d], Советэнь Вейсэндявкс[d]
Кулома чись	панжиковонь 20 чи 1960(1960-05-20)
Кулома тарка	Рамаданбуе, Мордовиянь Автономной Советэнь Социалистической Республикась[d], Российянь Советэнь Федеративной Социалистической Республикась[d], Советэнь Вейсэндявкс[d]
Мастор	Советэнь Вейсэндявкс[d]
казнеть ды медальть

Татья́на Никола́евна Би́бина (чачсь 1939 — кулось 1960 иень панжиковонь 20 чистэ) — крансо важодиця. Максызе эсь эрямонзо тейтерьавань ды эйкакшонь идемань кис. Эрзя.

Эрямопингезэ

Таня Бибина чачсь эрзянь Мордовиянь Целпанова (Отяжбуе) велесэ, тосо ютавтызе эйкакшпингензэ. Школав якась Гусь-Хрустальной ошсо, конась ашти Олодимэрэнь ёнкссо, козонь тетянзо-аванзо туекшность эрямо. Школань прядомадо мейле велявть Мордовияв. Важодсь цемент заводонь вачкамосо Чаунзань буесэ, ды сахаронь заводонь вачкамосо Ромадановань буесэ.

Подвигезэ

1960 иень панжиковонь 20 чистэ Таня важодсь кепедемань крансо. Тевезэ ульнесь кепсемс железань ды бетононь блокт сахаронь заводонь вачкамсто. Кепететсь виев варма ды ноцковтызе кранонть кирдематаркатнестэ. Кранось тусь ардось чугункань киява тупикс. Сонзэ налозо стясь самай банянь лангс, косо се шкава ульнесть тейтерьават ды эйкакшт. Таня самай валгиль крансто алов се шкане, кода тень редизе. Теде мейле сеске велявтсь мекев, кабинас, ды ютавтызе налонть лия ёнов. Секе шкане кранось кармась прамо Таня марто. Тейтересь чавовсь.

СССРэнь Верьце Советэнь Меремань коряс Татьяна Николаевна Бибина 1960 иестэ умарьковонь 6 чистэ казезель «Знак Почёта» орденсэ кулома ланга.

Калмазь эсь тиринь Целпанова (Отяжбуе) велесэ.

Лемень кундамозо

Т.Н.Бибинань лемсэ лемдязель Саранской ошсо куро (Химмаш ошонь буесэ) ды Комсомольский пгтэсэ (косо вачкасть цементэнь завод).

Ссылкат

• Саранский городской сайт