Ян Теемант

Википедиясто материал - аорев содамкундосто
Ян Теемант
Портрет
чачома чись таштамковонь 24 чи 1872(1872-09-24)
Чачома тарка
Кулома чись медьковонь 23 чи 1940(1940-07-23) (67 иеть)
Кулома тарка
Мастор
Важодема ёрокчизе вийкирдий-ветий, адвокатсь
 Ян Теемант

Ян Теемант (чачсь 1872 иестэ таштамковонь 24 чистэ Иллустесэ (неень шкане Пярнумаа ёнксонь Паатсалу) – 1940 иень медьковонь 23 чи, Таллин ош) – Эстэнь масторонь вийкирдий ды видечинь содыця.

Теемант тонавтнесь Трефнер тонавтнема таркасо. 1901 иестэ нолдазель диплом марто Ине Петрань ошонь Видечинь факультетстэ. Сон ульнесь видечинь прявт содыцякс Таллиннэнь администрациясо. 1904–1905 иестэ ульнесь Таллиннэнь Муниципалонь Вейсэндявкссо.

Теемант ульнесь революционертнэнь ютксо 1905 иестэ, тень кисэ савсь тензэ оргодемс Швейцарияв секе иестэ. Сонзэ мерсть маштомс, кода велявты.

1908 иестэ войнань прядовомадо мейле велявтсь мекев Эстэнь масторов. Аштесь тюрьмасо кавто ды пель иень перть Ине-Петрань ошсо. Мейле 1911–1913 иетнестэ панезель эрямо Архангельск ошонь томбале.

Эстонияв велявтомадо мейле, Теемант ульнесь зярыя Эстэнь масторонь администрациянь вейсэндявкссо 1917–1937 иетнестэ: Видечинь министракс, Конституциянь Ассамблеясо ды седе тов.

1939–1940 иетнестэ, Теемант ульнесь Эстэнь масторонь ёндо ванстыцякс Немецень Фондсо (конась вансь ды ванстсь Балтикань немецтнень, конат велявтокшность Германияв, ули-парост мельга 1939–1940 иетнестэ).

1940 иестэ медьковонь 23-це чистэ сонзэ арестовизь НКВД-нь ломанть. Паряк ледезель Таллиннсэ эли кулось Таллиннэнь тюрьмасо. Лиятнень коряс сонзэ озавтызь лагерьс ды макссть тензэ 10 иеть 1941 иестэ ожоковонь 21-це чистэ. Мезе мартонзо теевсь седе тов кияк а соды.


Казезель орденсэ[витнемс | витнемс лисьмапрянть]

Библиография[витнемс | витнемс лисьмапрянть]

Ссылки[витнемс | витнемс лисьмапрянть]

Лисьмапрят[витнемс лисьмапрянть]