Винай-веле

Википедиясто материал - аорев содамкундосто

Винай-веле (руз. Спиридоновка) — Печкасонь республикань, Лениногорсконь буе эрзянь веле. Сови Зелёной Рощадо вельсоветэнь.

Велесь ашти кавто пандо ютксо, Шешма лень кавто берёксо. Кезерень шкасто сюлмазевсть велень куринка лемть: "Покш веле — керш чиресе, Томбале, сон жо рузкс «Арбузовка» — вить чиресе. Покш велесе улить «Вере пе» ды «Ало пе», Томбалень алопеньте кортыть «Ватракшвеле, Ватракшовка (рузкс)».

Винай-велесь теевсь XVIII пингень 50-цень иетнестэ. Од эрицятнэ састь Обранонь губерниясто. Те ульнесь Спиридоновонь буелемесь. Васня седе ламо велень эрицят кандтнесть те буелементь.

Винай-велесь те Лениногорск буень васенцэ эрзянь веле. Неть эрзятне ульнесь одлемдязь, эль кемасть Инешкипазнэ. Те раськенть кемемась кадовсь ней велень лемсэ. Винай — эрзянь лемесь. Велесэ ули лисьмапря «Баба-каль» кезерень пингстэ сонзэ лемесь ульнесь «Баба-озкс», тосо ютавтыльть бабань ды авань озкстнэ.

1861 иестэ велесэ ульнесь 129 кудот, 441 цёрат ды 447 ават, сестэ Винай-велесь теевсь волостень куншкакс.

1883 иестэ велесэ ульнесь 10 лавкат, кожевенной заводось, эрястьь 1205 ломанть.

1889-1902 иестэ Винай-велесэ чапасть Михаилэнь архангелэнь лемсэ церькува. 1902 иестэ панжовсь приход.

1910 иестэ аштесь 310 кудот, эрясть 1203 цёрат ды 1184 ават, улесь церькува, кавто школат — земской ды церькувань приходонть. Базарось вастньчистэ. Волостень правления, земской станция, кавто ведьгевть, эрясь урядник. Паро модат — 3846 га, апаро модат — 66 га.

Ине Тетямасторонь войнасто фронтов тусть 232 ломанть, чавовсть войнасо 189 ломанть. 50-иене ИТВ-нь Изнявксонь велесе чапасть кеврунго Винай-велень чачозь ушмантнене.