Брыжинский, Михаил Иванович
| Михаил Брыжинский | |
|---|---|
| чачома лем | Михаил Иванович Брыжинский |
| чачома чись | ожоковонь 6 чи 1951 (73 иеть) |
| Чачома тарка | |
| Кулома чись | ацамковонь 22 чи 2020 (69 иеть) |
| Мастор | |
| Важодема ёрокчизе | сёрмадей |
Михаил Иванович Брыжинский — эрзянь сёрмадей, тонавтыця.
Эрямопингензэ
[витнемс | витнемс лисьмапрянть]Чачсь 1951 ожоковонь 6 чистэ Кочкур буень Од Тягловка велесэ[1] тонавтыцянь семиясо. Эрзя. Армиясо служась радиотехнической войскасо локаторонь операторокс. Прядызе М. Е. Евсевьев лемсэ Мордовиянь педагогикань институтонть 1977 иестэ филологиянь факультетенть.
Эрясь Од Мурза велесэ, косо колмонькемень вете иеть школасо тонавтсь эрзянь кель ды литература. Сёрмадсь-пурнась «Тиринь вал» тоневтнемань кирья-пусмо 6-це класснэнь, анокстась «Пингень гайть» (2004) историко-культорологической курс. Россиянь од учебникень сёрмадыцятьнень ютксо изнямонть кисэ 1995-це иестэ тензэ максозель Соросонь грант.
Россиянь Сёрмадеень Сюлмавксонь член. Лиссть зярыя кирья-пусмо (книганзо): «Половт» повестезэ (1983), «Эрямодо надобия» (1991) сёрмадозь эрзянь кельсэ; «Ради братий своих» повестезэ (1986) ды «Поклонись борозде» романозо (1988) листь рузонь кельсэ. Эйсэст эрзянь сюпав кель, кирдиця-касыця сюжет, ютазь шкатнень домка содамочист. Эрьвань мельс туи «Сяткосо» печатазь «Маштомс инегуенть» ёвтнемазо.
Мордовия Республикань Прявт Казязь лауреат.
Кулось 2020 иень ацамковонь 22 чистэ[2].
Сёрм.:
[витнемс | витнемс лисьмапрянть]- Эрзянь Мастор 2007
Лисьмапрят
[витнемс лисьмапрянть]- ↑ МБУК «Кочкуровская ЦРБ» Писатели Кочкуровского района Архивировазь 10 Якшамковонь 2021 иестэ.(руз.)
- ↑ ГБУК «НБ им. А. С. Пушкина РМ» НЕКРОЛОГ. БРЫЖИНСКИЙ.(руз.)