Аника Бошкович
| Аника Бошкович | |
|---|---|
| чачома чись | ацамковонь 3 чи 1714 |
| Чачома тарка | |
| Кулома чись | умарьковонь 13 чи 1804 (89 иеть) |
| Кулома тарка | |
| Важодема ёрокчизе | валморозей, сёрмадей |
Аника Бошкович (хорв. Anica Bošković; чачсь 1714 иень ацамковонь 3 чистэ Дубровниксэ – кулось 1804 иестэ умарьковонь 13 чистэ Дубровниксэ) – Рагусанонь сёрмадыця. Сон сёрмадсь пасторалень моро ды ютавтсь италиянь кельстэ. Сонзэ тонавтызь Иезуит месть, секскак сонзэ сёрмадомасо ламо Христианонь тешкст. Сон ульнесь васенцекс ды прявт сёрмадыця се шкань Хорватиянь литературасо. "Диалог" (1758) сёрмадомась "ульнесь васенцекс ды секе шкане вейкинекс сёрмадомась, конанть сёрмадызе тейтерьава Ташто Дубровниксэ"
Бошкович чачозель Дубровниксэ 1714 иестэ суньдерьковонь эли ацамковонь 13-це чистэ. Сон ульнесь сехте вишинекс кавксо эйкакштнэнь ютксо. Сонзэ авазо ульнесь Паула Беттера, италиянь сюпав раськень. Тетязо - Никола Бошкович, чачозель Сербиясо, Орахов Достэ. Ульнесь микшницякс.
Сонзэ ялаксонзо - Роджер Джозеф Бошкович - ульнесь содавикс физик, тештень содый, математикань содый, философ, сёрмадыця, Пазонь содый, Иезуит, эрудит. Кучнызь омбомасторга тевень ветямо. Сонзэ лият ялаксонзо - латинэнь келень содый Баро Бошкович ды сёрмадыця Петар Бошкович путсть ламо вийть Хорватиянь культурань кепедеманень. Бошковичень шкасто эрясть Мария Беттера-Димитрович, Лукреция Богашинович, Джулия Бунич, Нада Бунич ды Катарина Зринска.