«Эрзянь Мастор» (кулялопа)
Википедиясь -нь пельде
«Эрзянь Мастор» — те эсьмельксэв вейксэнь эрзянь кулялопа, кона лисни Сарансо. Сёрмадовксонзо лиснить эрзянь ды рузонь кельсэ.
Потмокс |
Кулялопанть чачомадонзо
«Эрзянь Мастор» кулялопась теезель 1994 иень таштамковсто Рябов Анатолиень лемсэ Эрзянь келень идема ярмакпаргосонть. Кулялопанть прявтвитницякс ней важоди Нуянь Видяз (Четвергов Евгений Владимировичесь).
Мезде сёрмады
Кулялопанть юрокс путозь сёрмадовксонзо истят: эрзянь келенть, раськенть ванстомась, келейгавтомась мазычинть (культуранть) суоми-угрань раськетьнень, раськень прявтполитикась, пазонтень кемемась. «Эрзянь Мастор» кулялопасонть максовить эрьва ёндо ваннозь сёрмадовкстнэ эрзянь ды мокшонь раськетнеде, сынст ванстомадозост.
Куляньсёрмадейть ды вейксэнь тевтеема
Кулялопанть улить эсензэ эсьмелев сёрмадыцянзо эрьва-кодамо эрямо таркасто: велестэ ды покш оштнестэ, косо эрить эрзятне. «Эрзянь Мастор»-ось парсте сюлмавозь вейсэнь финно-угрань вейсэндявксонь марто Маринь, Коминь, Удмуртонь, Хантонь ды Мансинь Масторстнестэ ды Эстэнь, Суоминь, Мадьяронь Мастортнэстэ.
Кува сравтневи
Кулялопась сравтневи «кедьте кедьс, кургсто-кургс» Рузмасторга, эрьва кува, косо эрить эрзянь ломантне:
- Мордовия Республикась
- Ульянонь ёнкс
- Самара ёнкс
- Пенза ёнкс
- Москов ёнкс
- Мурманонь ёнкс
- Ленинградонь ёнкс
- Маринь мастор
