«Масторавань морот»
Масторавань морот — те Ульянонь ёнксонь эрзянь седямо-морамо невтема пурнавкс.
Ютавтови Прявт кемекстамонь ды касомань коряс раськень культурань пельксэнть лездамонзо вельть 1992 иестэ саезь эрьва иень аштемковонь читнестэ Ульяновкс ёнксонь вейке эрзянь велесэ.
Те покш чись (фестивалесь) ушодови вейке кирдастонть свал содавикс те велентень койтнень-кирдатнень эйстэ: «Тундонь ильтямонь чи», «Норовавань чи», «Велеозкс»; полань максома койтьнэ[1]: «Кашадо ярсамо чи», «Парень вачкамо», «Одирьвань урнемат», налксемасто, овтонь киштемасто ды лият.
Седямо-морамо невтема пурнавксонь читнестэ ютавтови эйкакштнэнь туртов конкурс «Эрзянь моро — пингеде пингес»; невтевить ломанень кедьсэ теезь теевксэст ды артыцятнень артовксост, ташто коень-эрямонь оршавкстнэ, ярсамопелькстнэ. Седямо-морамо невтема пурнавкссонть пряст невтить кода покш ломанть (15-с саезь), истя жо 10-12 эйкакшонь фольклоронь пурнавкст, Мордовия ёнкссто инжеть ды лият. Седямо-морамо невтеманть пурнавксонть тештекс-символокс ловови эрзянь оршамосо чувтонь теевкс — матрёшка, конань эрьва разнэ буйтне явить эсь ютковаст, ды конане мерить эрзява.
Седямо-морамо невтема пурнавксось ютавтозель: Од Малыклань (1992, 1999), Инзей (1994), Вешкай (1995), Кузоватонь (1996, 2007), Паволонь (1997), Суронь (2000), Николаень (2001) буйтнесэ. 2015 иестэ саезь сон ютавтови Кузоватонь буень Кивать велесэ[2]. Велесэнть чапозь-путозь «Эрзянь эрамо тарка» , косо эрьва кизэ[3] пурнавить инжеть ды морыцят кода Ульянонь, истя жо Самарань, Алоошонь, Оренбургонь, Пензань, Саратовонь, Мордовиянь ды Татаронь ёнкссто.
Налткеть
[витнемс | витнемс лисьмапрянть]- «Масторавань морот» (ulianovsk.ru) Архивировазь 7 Чадыковонь 2009 иестэ. (руз.)
Сёрм.:
[витнемс | витнемс лисьмапрянть]- ↑ Центр Льва Гумилёва. В Ульяновской области сыграли эрзянскую свадьбу(руз.)
- ↑ «Чилисема» No7 (446) 2015: МАСТОРАВАНЬ МОРОТ Архивировазь 4 Эйзюрковонь 2016 иестэ.(эрз.)
- ↑ Министерство культуры Российской Федерации. Федеральное агентство по туризму.| Фольклорно-этнографический фестиваль «Масторавань морот» («Песни матери-земли»)(руз.)